निरूपण‎:रामकथेतच आपल्या जीवनाचे खरे सार दडलेले‎

संसाराच्या रहाटगाडग्यात जीवन जगत‎ असताना एक आदर्शवादी जीवन जर‎ आम्हाला जगायचं असेल तर‎ निश्चितपणे आम्ही प्रभु श्रीरामचंद्र‎ यांच्या जीवन चारित्र्यावर प्रकाश‎ टाकावा, असे प्रतिपादन युवा‎ रामायणाचार्य ज्ञानेश्वर महाराज दौड‎ यांनी केले.‎ भोकरदन शहराजवळील सिद्धेश्वर‎ नगर आलापुर येथे गुरुवर्य वै.बाळा‎ बाबा यांच्या पुण्यतिथी महोत्सव व संत‎ तुकाराम बीज निमित्त ग्रंथराज‎ ज्ञानेश्वरी पारायण तथा श्रीराम कथा‎ सोहळा सुरु आहे. संतोष महाराज‎ आढावणे यांच्या मार्गदर्शनाने श्रीराम‎ कथा प्रवक्ते ज्ञानेश्वर महाराज दौड‎ जानेफळ यांच्या वाणीतुन रामकथा‎ सांगितली जात आहे.

आम्ही जीवन‎ शैली जगु शकलो तर आमच्याही‎ जीवनात सदैव आनंद दरवळत राहील‎ आणि आमचा संसार हा‎ नंदनवनासारखा बहरून दुःखाचा‎ लवलेश सुद्धा आमच्या जीवनात‎ राहणार नाही. जीवनात व्यथा येतात‎ पण त्या व्यथा कमी करण्यासाठीच‎ राम कथा आहे म्हणून नित्य नेमाने श्री‎ राम कथा श्रवण करावी, असे‎ आवाहन दौड महाराजांनी केले.‎ यावेळी सिद्धेश्वर महाराजांच्या‎ जीवनावरील स्वलिखित गीतांचे‎ सादरीकरण करण्यात आले. यावेळी‎ पंचक्रोशीतील भाविकांची उपस्थिती‎ होती. या सोहळयानिमित्त विविध‎ धार्मिक कार्यक्रमांची रेलचेल सुरु‎‎‎‎‎‎‎‎‎‎‎‎‎ असून भाविकांची गर्दी वाढत आहे.‎