दिव्य मराठी विशेष:दिवसभरातील अडीच किलाेची उलाढाल आली अडीचशे ग्रॅमवर‎

बुधवारी अर्थसंकल्प जाहीर झाल्यानंतर‎ गुरुवारपासून जालना सराफा बाजारात नवीन कर‎ रचनेनुसार व्यवहार सुरू झाले. सोने-चांदीच्या‎ आयात शुल्कात कपात करण्यात आली असली तर‎ सरचार्ज वाढवल्याने एकाच दिवसात सोने आणि‎ चांदीच्या दरात हजार रुपयांची वाढ झाली. कपाशी‎ आणि सोयाबीनचे दर घसरल्याने शेतकऱ्यांच्या‎ हातात पैसे आलेच नाहीत. त्याचा परिणाम सराफा‎ बाजारावर अगोदरच दिसून येत होता. त्यात‎ दरवाढही झाल्याने दरवर्षी या काळात दिवसाला‎ दोन ते अडीच किलोंची उलाढाल अवघी‎ दोन-अडीचशे ग्रॅमवर आली आहे.‎

जालना सराफा बाजारातील ८० ते ८५ टक्के‎ व्यवहार हे शेतकऱ्यांवर अवलंबून आहेत.‎ शेतकऱ्यांच्या हाती पैसा आला तर सराफा‎ बाजारातही चांदी असते. मात्र या वर्षी सध्या‎ लग्नसराई सुरू झाली असली तर सराफा बाजार‎ किरकोळ व्यवहारावरच सुरू आहे. या वर्षी‎ कपाशीला प्रतिक्विंटल किमान ११ हजार रुपये, तर‎ साेयाबीनला ७ हजार रुपये दर मिळेल अशी अपेक्षा‎ होती.

मात्र कपाशी ८ हजारांच्या वर गेली नाही, तर‎ सोयाबीनच्या दरातही मोठी घसरण झाली आहे.‎ अशा परिस्थितीत शेतकऱ्यांच्या हातात पैसाच‎ नसल्याने या वर्षी बाजारातही पैसा आलेला नाही.‎ अर्थसंकल्पात सोन्यावरील आयात शुल्क २.५‎ टक्क्यांनी कमी केले, तर दुसरीकडे सरचार्जही २.५‎ टक्क्यांनी वाढवला. मुळे दरात फारसा फरक‎ पडणार नव्हता. परंतु, आंतरराष्ट्रीय बाजारात‎ सटोडियांमुळे सोने आणि चांदीचे दर हजार‎ रुपयांनी वाढले. बुधवारी २४ कॅरेट सोन्याचे दर‎ ५७,५०० व २२ कॅरेट सोने ५३,५०० तर चांदीचे दर‎ ७०,००० रुपये होते, तर गुरुवारी बाजारपेठेत २४‎ कॅरेट सोन्याचे दर ५८,५०० व २२ कॅरेट सोने ५३,५००‎ तर चांदीचे दर ७१,००० रुपये प्रतिकिलो होते.‎

जालन्यातील दर ठरतात मुंबईतून‎ जालना बाजारपेठेतील सोन्याचे दर मुंबईतून ठरतात.‎ बुधवारी सायंकाळी ५ वाजता नवीन दर लागू करण्यात‎ आल्यानंतर गुरुवारपासून खऱ्या अर्थाने व्यवहार सुरू झाले.‎ आता हजार रुपयांनी दर वाढल्याने आणखी दर वाढले.‎

सोने आणखी चमकेल‎ अर्थसंकल्पापेक्षा सटोडिया‎ सोन्या-चांदीच्या दरावर‎ परिणाम करतात. सध्या‎ झालेली दरवाढ त्यांच्यामुळेच‎ आहे. हजार रुपये ही मोठी‎ वाढ नसली तरी पुढील काही‎ दिवसांत आंतरराष्ट्रीय‎ बाजारात तेजीची चिन्हे‎ आहेत. त्यामुळे सोन्याच्या‎ दरात आणखी वाढ होऊ‎ शकते असा अंदाज वर्तवला‎ जात आहे.‎ - भरत गादिया, सराफ‎ व्यावसायिक, जालना.‎

जालना सराफा बाजारातील ८० ते ८५ टक्के व्यवहार शेतकऱ्यांवर अवलंबून‎ सध्या केवळ‎ किरकोळ व्यवहार‎ जालना शहरातील सराफा‎ बाजारात सध्या चांदीच्या‎ दागिन्यांमध्ये पैजण, जोडवे,‎ करंडी, गिफ्ट आर्टिकल‎ आदी वस्तूंची मागणी आहे.‎ सोन्याच्या दागिन्यांमध्ये‎ डोरले, मणी, बांगड्या,‎ पाटल्या, मिनी गंठण अशा‎ वस्तूंना मागणी आहे. ग्राहक‎ किरकोळ खरेदी करीत‎ अाहेत. त्यामुळे बाजारात‎ मंदी नसली तरी अपेक्षित‎ उठाव आलेला नाही.‎