दिव्य मराठी विशेष:यंदा शाळांना तब्बल 40‎ दिवस उन्हाळ्याची सुटी‎

वर्ष २०२३ मधील सर्व शाळांसाठी‎ उन्हाळी सुट्यांबाबत व शैक्षणिक सत्र‎ २०२३-२४ बाबत शासन निर्णय व‎ संचालकांनी पत्र काढले आहे. यावर्षी‎ २ मे रोजीपासून सुट्या लागणार‎ असून, १२ जून रोजी शाळा सुरू होणार‎ आहेत. यावर्षी तब्बल ४० दिवस सुट्या‎ देण्यात आल्या आहेत. यासाठी शासन‎ परिपत्रक ११ एप्रिल २०२२ चा संदर्भ‎ घेण्यात आला आहे. ज्यामध्ये‎ प्राथमिक शाळांचा देखील उल्लेख‎ आहे.‎ २ मे पासून उन्हाळी सुटी लागू‎ करून सदर सुटीचा कालावधी विदर्भ‎ वगळून ११ जून २०२३ पर्यंत ग्राह्य धरावा.‎ पुढील शैक्षणिक वर्ष सन २०२३ - २४‎ मध्ये दुसरा सोमवार दिनांक १२ जून‎ २०२३ रोजी शाळा सुरू करण्याचे‎ नियोजन आहे.

तसेच जून महिन्यातील‎ विदर्भाचे तापमान विचारात घेता‎ उन्हाळ्याच्या सुटीनंतर तेथील शाळा‎ चौथा सोमवार दिनांक २६ जून २०२३‎ रोजी सुरू होतील. इयत्ता पहिली ते‎ नववी, इयत्ता अकरावीचा निकाल‎ दिनांक ३० एप्रिल २०२३ रोजी अथवा‎ त्यानंतर सुटीच्या कालावधीत लावता‎‎‎‎‎‎‎‎‎‎‎‎‎‎‎‎‎‎‎ येईल तथापि तो निकाल विद्यार्थी,‎ पालकांपर्यंत पोहोचवण्याची‎ जबाबदारी संबंधित शाळेची राहील.‎ या नियमांनुसार शाळेच्या सुटी‎ वेळापत्रकाचे काटेकोरपणे पालन‎ करण्याबाबत देखील शिक्षण‎ उपसंचालक सर्व विभाग व‎ शिक्षणाधिकारी प्राथमिक व माध्यमिक‎ सर्व जिल्हा परिषद यांना सुचित‎ करण्यात आले आहे.‎

७६ सुट्यांचे नियोजन‎शाळांमधून उन्हाळ्याची व दिवाळीची‎ दीर्घ सुटी कमी करून त्याऐवजी‎ गणेशोत्सव अगर नाताळ यासारख्या‎ सणाचे प्रसंगी ती समायोजनाने‎ संबंधित जिल्हा शिक्षणाधिकारी‎ प्राथमिक आणि माध्यमिक यांच्या‎ परवानगीने घेण्याबाबत आवश्यक ते‎ निर्देश आपले स्तरावरून देणेबाबत‎ उपसंचालक, शिक्षणाधिकारी यांना‎ देण्यात आले आहे. माध्यमिक शाळा‎ संहिता नियम ५२.२ नुसार शैक्षणिक‎ वर्षातील सर्व प्रकारच्या एकूण सुट्या‎ ७६ दिवसांपेक्षा जास्त होणार नाही‎ याची दक्षता घेण्यात यावी, असेही‎ पत्रात नमूद केले आहे.‎