गुन्हा दाखल:पथकाच्या ताब्यातून हायवा पळवणारे पोलिसांत जेरबंद‎

महसूल व आरटीओ‎ पथकाच्या ताब्यातून हायवा पळवणारे‎ दोघे चंदनझिरा पोलिसांनी घेतले‎ ताब्यात घेतले आहे. जालना शहरातील‎ एसटी वर्कशॉप जवळ वाळू नेणारा‎ हायवा पकडला होता.‎ दंडात्मक कारवाई करण्यासाठी‎ चंदनझिरा पोलीस ठाण्यात नेल्या जात‎ होता. परंतु चालकाने पथकातील‎ अधिकारी कर्मचाऱ्यांचे कुणाचेही न‎ ऐकता भरधाव वेगाने टोल नाका पार‎ करून फेज थ्रीजवळ नेला. या ठिकाणी‎ वाळू खाली करीत असतांना पथकाने‎ विरोध केला. परंतु यावेळी टिप्पर‎ मधील दोघांनी लोखंडी टामीचा धाक‎ दाखवून शासकीय कामात अडथळा‎ केला.

नंतर लोटालोट करीत हायवा‎ पळवून नेला. या प्रकरणी तलाठी‎ भागवत वाघ यांनी दिलेल्या‎ फिर्यादीवरून कामेश पवार (चांदई‎ एक्को), शेखर राजेंद्र वाघ ( टाकळी‎ हिवर्डी) यांच्याविरुद्ध चंदनझिरा‎ पोलीस ठाण्यात गुन्हा दाखल करण्यात‎ आला आहे. यातील दोन्ही संशयित‎ आरोपींना टिप्परसह शुक्रवारी रात्री‎ ताब्यात घेतले आहे. भरधाव टिप्परने‎ टोल नाक्याचेही नुकसान संशयित‎ आरोपींनी भरधाव वेगाने टोल नाका‎ येथून भडगाव टिप्पर पळून नेल्याने या‎ ठिकाणी नुकसान झाले आहे. याबाबत‎ टोल नाका प्रशासनाने चंदनझिरा‎ पोलिसांना पत्रव्यवहार केला आहे.‎