दिव्य मराठी विशेष:व्हॅलेंटाइन वीक सुरू, गुलाबाला बाजारात बहार‎

प्रेम व्यक्त करण्याचा सप्ताह म्हणून‎ तरुणाईला व्हॅलेंटाइन डे आणि व्हॅलेंटाइन‎ वीकची प्रतीक्षा असते. यासाठी विविध‎ प्रकारच्या गिफ्ट शॉपी सज्ज झाल्या‎ आहेत. दुसरीकडे, फूल उत्पादक‎ शेतकऱ्यांनीही या सप्ताहाकडे संधी म्हणून‎ पाण्यास सुरुवात केली आहे. त्यामुळे‎ परिसरातील शेतकऱ्यांनी बाजारात खास‎ लांब देठ असलेली गुलाबाची फुले‎ पाठवण्यास सुरुवात केली आहे.‎ व्हॅलेंटाइन सप्ताहाला मंगळवारी रोझ डेने‎ सुरुवात होत आहे. त्यामुळे जालना‎ शहरातील होलसेल बाजारात गुलाबाची‎ आवक वाढली आहे.‎

जालना तालुक्यातील वाघरूळ,‎ पानशेंद्रा, जामवाडी, पाचनवडगाव,‎ लालवाडी, चितळी-पुतळी, रेवगाव या‎ गावांसह बदनापूर तालुक्यातील तपोवन‎ गावात मोठ्या प्रमाणात फुलशेती केली‎ जाते. शेडनेटमध्ये सध्या जरबेरा आणि‎ गुलाब या फुलांची शेती केली जात आहे.‎ हे शेतकरी बाजार समितीमधील फूल‎ बाजारात दररोज विक्रीसाठी फुले‎ आणतात. येथे ७ ते ८ व्यापारी फुलांचा‎ घाऊक व्यापार करतात. तेथून किरकोळ‎ विक्रेते फुले घेऊन जातात. गेल्या ४-५‎ वर्षांपासून जालना शहरात व्हॅलेंटाइन‎ वीकसाठी फुलांची आगाऊ नोंदणी‎ करण्याचा ट्रेंड आला आहे. यात प्रामुख्याने‎ कॅफेचालक, युवकांचे ग्रुप फुलांची‎ आगाऊ नोंदणी करतात. या वर्षीही‎ अनेकांनी नोंदणी केली आहे.‎

आठवडाभर गुलाबाला मागणी चांगली राहणार‎ आता आठवडाभर गुलाबाच्या फुलांना चांगली मागणी राहील. मंगळवारपासून दर वेगळे राहतील.‎ सध्या लग्न, रिसेप्शन, साखरपुडा आदींसाठी किरकोळ विक्रेत्यांकडे गुलाबाच्या फुलांची आगाऊ नोंदणी‎ केली जाते. व्हॅलेंटाइन डेसाठी गुलाबाची मागणी होत आहे.‎ -हारुण शेख, घाऊक विक्रेता‎ मागणीप्रमाणे शेतकऱ्यांकडून पुरवठा‎ एरव्ही पूजेसाठी, बुकेसाठी आणि हार तयार‎ करण्यासाठी जी गुलाबाची फुले बाजारात पाठवली‎ जातात, त्या गुलाबाच्या फुलांचा देठ अगदी छोटा‎ असतो. मात्र, व्हॅलेंटाइनसाठी खास लांब देठ असलेले‎ गुलाब बाजारात येताे. घाऊक विक्री करणारे व्यापारी‎ त्यासाठी अगोदरच शेतकऱ्यांना तशा सूचना देतात,‎ चार पैसे अधिकचे मिळत असल्याने शेतकरीही‎ मागणी तसा पुरवठा करीत असतात.‎