प्रशंसा‎:सेंद्रिय ड्रॅगनफ्रूट शेतीच्या नव्या‎ प्रयोगाची कुलगुरूंकडून प्रशंसा‎

तीर्थपुरी येथील मत्स्योदरी कला‎ महाविद्यालयाच्या परिसरात सेंद्रिय पद्धतीवर‎ लागवड केलेल्या ड्रॅगन फ्रुट प्रकल्पास डॉ.‎ बाबासाहेब आंबेडकर मराठवाडा विद्यापीठाचे‎ कुलगुरू डॉ. प्रमोद येवले यांनी भेट दिली.‎ याप्रसंगी बोलताना ते म्हणाले की. तीर्थपुरीतील‎ या महाविद्यालयास भेट देण्याचा योग आला. या‎ ग्रामीण भागातील महाविद्यालयामध्ये‎ महाविद्यालयाच्या पडीत जमिनीमध्ये ड्रॅगन फूड‎ प्रकल्प घेण्याचा हा अतिशय स्तुत्य उपक्रम बघून‎ त्यांनी आनंद व्यक्त केला. . शेतकऱ्यांच्या‎ उद्धारासाठी सर्वांना प्रेरणा देणारा हा उपक्रम होय‎ सामाजिक बांधिलकी म्हणून सर्व शैक्षणिक‎ संस्थांनी या उपक्रमाचे अनुकरण करावे असे‎ आव्हान त्यांनी याप्रसंगी केले.

महाविद्यालयाच्या‎ या अभिनव उपक्रमाबद्दल त्यांनी सर्वांचे‎ अभिनंदन करताना सदर उपक्रमामध्ये‎ महाविद्यालयाच्या विद्यार्थ्यांना सामाविष्ट करून‎ त्यांना सुद्धा अशा अभिनव प्रयोगासाठी प्रेरित‎ करावे. या कार्यक्रमाच्या वेळी प्र. कुलगुरू डॉ.‎ शाम शिरसाट, कुलसचिव डॉ.भगवान साखळे,‎ संस्थेचे विश्वस्त समर्थ सहकारी साखर‎ कारखान्याचे उपाध्यक्ष उत्तमराव पवार डॉ. काळे,‎ ज्ञानोबा मुळे, महाविद्यालयाचे प्राचार्य डॉ.‎ भगवानसिंग बैनाडे, डॉ.शिवराज लाखे,‎ डॉ.सुनील खांडेभराड, उपस्थित होते.‎

दरम्यान कुलगुरू डॉ. प्रमोद येवले यांनी ड्रॅगनफ्रुट‎ बागेचे व्यवस्थापन, विक्री,पाण्याचे नियोजन,‎ लागवडीखालील क्षेत्र याविषयी माहिती जाणून‎ घेतली व असे नाविन्यपूर्ण प्रकल्प विद्यापीठात‎ देखील राबविले पाहिजे असे त्यांनी सांगितले. या‎ कार्यक्रमसाठी डॉ. अंकुश चव्हाण, प्रा. रमेश‎ जोगदंड, डॉ. प्रदीप लगड, डॉ. प्रदीप जाधव,‎ यांच्यासह विद्यार्थी मोठ्या संख्येने उपस्थित होते.‎