उपोषण:मराठा आरक्षणावर‎ मार्ग काढू : मुख्यमंत्री‎

मराठा आरक्षणासाठी अंबड‎ तालुक्यातील वडीकाळ्या येथील‎ ग्रामस्थ रविवारपासून उपोषणाला‎ बसणार आहेत. या उपोषणाची माहिती‎ मिळताच मुख्यमंत्री एकनाथ शिंदे यांनी‎ ग्रामस्थ आणि पदाधिकाऱ्यांना‎ चर्चेसाठी बोलावले होते. पहिल्या‎ बैठकीत तोडगा न निघाल्याने शनिवारी‎ पुन्हा सह्याद्री अतिथीगृहात बैठक‎ झाली. या वेळी मुख्यमंत्र्यांनी मराठा‎ आरक्षणावर तोडगा काढू, असे‎ आश्वासन पदाधिकाऱ्यांना दिले.‎ मंत्र्यांचे एक शिष्टमंडळ वडीकाळ्या‎ गावात चर्चेसाठी पाठवणार असल्याचे‎ मुख्यमंत्र्यांनी सांगितले. दरम्यान,‎ ग्रामस्थ उपोषणावर ठाम असून‎ रविवारपासून उपोषणाला सुरुवात‎ होणार आहे.‎

वडीकाळ्या गावातील‎ शिष्टमंडळासोबत मराठा आरक्षण‎ विषयावर सह्याद्री अतिथीगृहावर बैठक‎ पार झाली. तब्बल साडेतीन तास ही‎ बैठक चालली. यात सर्व विषयांवर‎ सकारात्मक चर्चा झाली, पण ठोस‎ निर्णय झाला नाही. या चर्चेची माहिती‎ आंदोलक मनोज जरांगे पाटील यांना‎ देण्यासाठी सोमवारी एक मंत्र्यांचे‎ शिष्टमंडळ वडीकाळ्या गावात‎ आंदोलन ठिकाणी येणार आहे. या‎ बैठकीत मुख्यमंत्री एकनाथ शिंदे, दादा‎ भुसे आदींची उपस्थिती होती.

या वेळी‎ मुख्यमंत्री शिंदे यांनी सांगितले की,‎ मराठा आरक्षणावर नक्कीच मार्ग काढू.‎ मराठा आरक्षणासह कोपर्डी खटला,‎ सारथी संस्था, मराठा विद्यार्थ्यांसाठी‎ होस्टेल अशा अनेक विषयांवर‎ सकारात्मक चर्चा झाली आहे, फक्त‎ ठोस निर्णय कोणकोणते झाले यावर‎ सरकारचे एक शिष्टमंडळ मनोज‎ जरांगे पाटील यांची उपोषणस्थळी भेट‎ घेऊन चर्चा करून सांगणार आहे. मात्र‎ वडीकाळ्या गावातील बेमुदत उपाेषण‎ सुरू राहणार असल्याचे मनोज जरांगे‎ पाटील यांनी सांगितले.‎