व्याख्यान:कायदा शिकत असताना कायद्यासोबतच‎ आपल्याला संस्कारदेखील मिळतात‎

‎जेव्हा जेव्हा आपण आपल्या‎ सुरक्षिततेसाठी कायद्याचं ज्ञान घेतो तेव्हा‎ तेव्हा कायद्याबरोबरच आपण संस्कार‎ देखील शिकत असतो, असे प्रतिपादन‎ अॅड. जगन्नाथ भुतेकर यांनी केले.‎ जालना येथील श्रीमती दानकुंवर‎ महिला महाविद्यालय, अँटी रॅगिंग,‎ आयसीसी समिती, कदीम जालना‎ पोलिस ठाणे यांच्या संयुक्त विद्यमाने‎ //"स्त्रियांचे हक्क आणि कायदे//" या‎ विषयावर विशेष व्याख्यान आयोजित‎ करण्यात आले हाेते.

यावेळी ते बोलत‎ होते. अध्यक्षस्थानी प्राचार्य प्रा. डॉ.‎ विजय नागोरी तर प्रमुख पाहुणे म्हणून‎ कौटुंबिक समुपदेशक प्रतिभा काचेवार,‎ महिला आणि बाल समुपदेशक रोहित‎ मस्के, अॅटी रॅगिंग आयसीसी समिती‎ अध्यक्षा उपप्राचार्य प्रा. डॉ. विद्या‎ पटवारी, डॉ. स्वाती महजन, गोसिया‎ शेख आदींची उपस्थित होते.

कौटुंबिक‎ समुपदेशिका प्रतिभा काचेवर यांनी‎ समुपदेशकाचा जो काही व्यवसाय‎‎‎‎‎‎‎‎‎‎‎‎‎‎‎‎‎ असतो तो कसा असतो त्याबद्दल आणि‎ लग्न झालेल्या पती-पत्नी मध्ये बिनसले‎ असल्यास त्यांच्यात समुपदेशक म्हणून‎ योग्य विचार देऊन समीट घडून‎ आणण्याचे काम केले जाते. यावर जर‎ समीट घडून येतच नसेल तर महिलांना‎ कोणते कोणते अधिकार आहेत. असे‎ सांगितले. रोहित मस्के म्हणाले, आपलं‎‎‎‎‎‎‎‎‎‎‎‎‎‎‎‎‎ सौंदर्य झाकून ठेवल्यास आपण ब्रॅण्डेड‎ मध्ये गणल्या जाऊ म्हणून आपली‎ किंमत आपणच वाढवली पाहिजे. तरच‎ आपणास महत्त्व प्राप्त होईल. अन्यथा‎ आपण आपल सौंदर्य जपलो नाही तर‎ सामान्यामध्ये आपली गणना होईल.‎ आपल्याला एवढं महत्त्व राहणार नाही.‎ कार्यक्रमाची सुरुवात संस्थेचे संस्थापक‎‎‎‎‎‎‎‎‎‎‎‎‎‎‎‎‎ अध्यक्ष शिक्षणमहर्षी स्व. कुंदनलालजी‎ अग्रवाल व श्रीमती दानकुंवर माता‎ यांच्या प्रतिमेस पुष्पहार घालून‎ अभिवादनाने करण्यात आली.‎ सूत्रसंचालन डॉ.जयश्री वाडेकर यांनी तर‎ डॉ. स्वाती महाजन यांनी आभार मानले.‎ यावेळी प्राध्यापक, शिक्षकेतर कर्मचारी,‎ विद्यार्थ्यांनी उपस्थित होत्या.‎