आपत्ती व्यवस्थापन बैठक:पूरप्रवण 165 गावांसाठी तब्बल‎ 4 कोटी रुपयांचे साहित्य खरेदी‎, पाण्यात तरंगणाऱ्या स्ट्रेचरच्या खरेदीचे आदेश‎

छत्रपती संभाजीनगर‎ पावसाळा जवळ आल्यामुळे जिल्हा‎ आपत्ती व्यवस्थापन विभागाच्या वतीने‎ त्यांची पुर्वतयारी करण्यात येत‎ आहे.मान्सुनपुर्व तयारीचा आढावा घेण्यात ‎ ‎येणार असल्यामुळे प्रशासनाच्या वतीने‎ तयारी करण्यात येत आहे.

सातत्याने बोटी व लाईफ जॅकेटवर खर्च करणाऱ्या प्रशासनाने ‎संभाव्य आपत्ती निवारणासाठी यावर्षी‎ तब्बल ४ कोटी रुपये खर्च करुन‎ अत्याधुनिक स्ट्रेचर, डिजास्टर मॅनेजमेंट‎ किट आदी साहित्य खरेदी केले आहेत.‎विशेष म्हणजे या मध्ये खरेदी केलेले ८१५‎ स्ट्रेचर हे एक क्विटंल ओझे उचलणारे‎ पाण्यात तरंगणारे आणि फोल्डीग असलेले‎ स्ट्रेचर आहेत.गेल्या काही वर्षातील आपत्ती‎ निवारणासाठी करण्यात येणारा हा मोठा‎ खर्च आहे.‎

अवकाळी पावसाचा जोर

जिल्हा प्रशासनाकडून यापुर्वी‎ मल्टिस्ट्रेचरसाठी पाच वर्षांपुर्वी सुमारे ३५‎ लाख रुपये खर्च करण्यात आले होते,‎ त्यानंतर करण्यात आलेला हा मोठा खर्च‎ आहे. सध्या जिल्ह्यात अवकाळी पावसाचा‎ जोर असला तरी येत्या काही दिवसांमध्ये ‎मान्सून बरसणार असून, संभाव्य आपत्ती‎ निवारणासंदर्भातील नियोजन जिल्हा‎ प्रशासनाकडून सुरु करण्यात आले आहे.‎

जिल्हा नियोजन समितीमधून निधी‎ जिल्ह्यात विविध नदीकाठी असलेले‎ १६५ गावे हे पूरप्रवण गावे असून या गावांना‎ पुराचा धोका संभवतो. या गावांमध्ये संभाव्य‎ धोका पाहता प्रशासनाकडून पूर तसेच इतर‎ आपत्तीमध्ये उपयोगी पडणारे साहित्य खरेदी‎ करण्याचे आदेश दिले आहेत.

खरेदीचे आदेश

यामध्ये‎ आपत्तीच्या परिस्थितीमध्ये पाण्यात फोल्ड‎ होणारे व १ क्विंटल ओझे घेऊन तरंगण्याची‎ क्षमता असलेले ८१५ फोल्डींग व फ्लोटेबल‎ मल्टी स्ट्रेचर, २१५ डिझास्टर मॅनेजमेंट किट,‎ ८१५ फ्लोटिंग स्ट्रेचर तसेच ८१५ फ्ल्युड बॉडी‎ कव्हर बॅग हे तब्बल चार कोटी रुपये खर्च‎ करुन साहित्य खरेदी करण्यात आले आहे.‎ जिल्हाधिकाऱ्यांनी जिल्हा नियोजन‎ समितीतुन मंजूर केलेल्या निधीतून‎ आपत्तीप्रसंगी उपयोगात येणाऱ्या‎ साहित्याची खरेदी आदेश नियुक्त संस्थेस‎ दिले आहेत.‎

कन्नड तालुक्यात‎ सर्वाधिक गावे‎ जिल्ह्यात सर्वाधिक ४८ पुरप्रवण‎ गावे ही कन्नड तालुक्यातील‎ आहेत. तर छत्रपती संभाजीनगर‎ तालुक्यात १६, पैठण १५, फुलंब्री ७,‎ वैजापूर ३१, गंगापूर २६, खुलताबाद‎ ६, सिल्लोड १० व सोयगाव‎ तालुक्यातील ६ अशा एकुण १६५‎ गावांचा समावेश आहे.‎

साहित्य महिन्याभरात पोहोचणार

मे अखेर साहित्य पोहोचणार‎ गावात, प्रात्यक्षिक घेणार‎ जिल्हाप्रशासनाकडून आपत्ती निवारण‎ विभागाअंतर्गत खरेदी करण्यात येणारे हे‎ साहित्य येत्या महिन्याभरात जिल्ह्यात‎ पोहोचणार आहे. त्यानंतर आपत्तीप्रवण‎ असलेल्या सर्व १६५ गावांमध्ये या साहित्याचे‎ वितरण करण्यात येणार आहे. त्या- त्या‎ तहसील कार्यालयाच्या माध्यमातून हे‎ साहित्य संबंधित गावांना देण्यात येणार आहे.‎