अर्थव्यवस्थेवरील दबावाशी झगडतोय अमेरिका:अब्जाधीशांवर बायडेन लादणार 25% कर; भांडवली लाभ करही दुप्पट करण्याची तयारी

राष्ट्राध्यक्ष जो बायडेन अब्जाधीश, श्रीमंत गुंतवणूकदार आणि कॉर्पोरेटवर नव्या कर वाढीची मालिका सादर करण्याच्या तयारीत आहेत. या प्रस्तावाद्वारे ते हे सांगू इच्छितात की, काँग्रेसने कर आणि खर्चाला कसे प्राधान्य दिले जावे. व्हाइट हाऊसच्या एका अधिकाऱ्याने सांगितले की, काँग्रेसमध्ये बायडेन यांचा बजेट प्रस्ताव गुरुवारी जारी होईल. यामध्ये अब्जाधीशांवर २५% किमान कराची मागणी योग्य आहे. ही योजना गुंतवणुकीसाठी भांडवली लाभ कराच्या दराला २०% वरून वाढून दुप्पट म्हणजे, ३९.६% पर्यंत केली जाईल.हा प्रस्ताव बायडेन यांच्या मल्टी ट्रिलियन डॉलर बिल्ड बॅक बेटर इकॉनॉमिक पॅकेजचे प्रतिनिधित्व करतो. रिपब्लिकन प्रतिनिधी सभा नियंत्रित करत असल्याने काँग्रेसकडून तो पारीत होण्याची शक्यता खूप कमी आहे असल्याचे सांगण्यात येते.

कंपनी करही २१% वरून वाढून २८% केला जाणार
प्रस्तावात सर्वात श्रीमंतांनी ०.०१% अमेरिकी किमान २५% कर दराने पेमेंट करावे. हे अमेरिकींसाठी उच्च कराच्या दरास ३७% वरून ३९.६% कर होईल. त्यानुसार, गुंतवणूकदारांन दीर्घकालीन गुंतवणुकीवर कमीत कमी १ दशलक्ष डॉलरवर ३९.६% कर द्यावा लागेल. त्यावर सध्या २०% दराने कर आकारणी केली जाते. कंपनी कराचा दर २१% वरून २८% केला जाईल. बायडेन प्रस्तावात खासगी इक्विटी फंड मॅनेजर्स, तेल कंपन्या, क्रिप्टो आणि रिअल इस्टेटमध्ये गुंतवणूदारांसाठी विशिष्ट टॅक्स ब्रेक समाप्त करत आहेत.