फिर्याद:वकिलाने घातली तरुणाच्या अंगावर कार; गुन्हा दाखल

जुन्या वादातून एका वकिलाने तरुणाच्या अंगावर कार घातली. ही घटना ५ फेब्रुवारी रोजी दुपारी दोनच्या सुमारास बीड बायपास परिसरातील महूनगरात घडली. याप्रकरणी योगेश देविदास अहिरे (२८) याच्या तक्रारीवरून अॅड. किरण प्रकाश राजपूत-कुदळे (रा. ग्रीन्स सोसायटीजवळ), गणेश सोनवणे (रा. बजाज हाॅस्पिटलमागे) याच्यासह एका व्यक्तीवर गुन्हा दाखल करण्यात आला आहे.

योगेशने व त्याचा मित्र रितेश शिरसाठ, शरद रोटे ग्रीन्स सोसायटीजवळ उभे हाेतेे. तेव्हा गणेश सोनवणेने त्याचा मित्र किरणसह एका साथीदाराला फोन करून बोलावले. किरणने अचानक भरधाव कारने योगेशला धडक दिली. विशेष म्हणजे समोर एक कार होती. दाेन्ही कारमध्ये योगेश दाबला गेला. याेगेशसह रोटेही जखमी झाला. नंतर किरणने कारमधून उतरून साथीदारांच्या मदतीने बेदम मारहाण केल्याचे फिर्यादीत म्हटले आहे. हा सर्व प्रकार सीसीटीव्हीत कैद झाला आहे.