व्हिडिओ काढून व्हायरल करण्याची धमकी‎:राष्ट्रवादी काँग्रेसच्या जिल्हा उपाध्यक्षांवर महिलेवर‎ अनैसर्गिक अत्याचार केल्याप्रकरणी गुन्हा दाखल‎

एका विवाहितेला धमकावून ब्लॅकमेल करत‎ तिच्यावर अनैसर्गिक अत्याचार केल्याचा प्रकार‎ समोर आला आहे. महिलेने अत्याचार असह्य‎ झाल्यानंतर पोलिसांकडे धाव घेत तक्रार केली.‎

त्यावरून राष्ट्रवादी काँग्रेसचे जिल्हा उपाध्यक्ष मुख्तार ‎खान ऊर्फ बब्बू (४२, रा. नूर कॉलनी, टाऊन हॉल) ‎ ‎याच्यावर बलात्कार, अनैसर्गिक अत्याचाराच्या ‎ ‎ कलमांतर्गत गुन्हा दाखल करण्यात आला.‎ ३३ वर्षीय तक्रारदार महिला विवाहित असून पती, ‎मुलांसह सिटी चौक परिसरात वास्तव्यास आहे.‎ गृहिणी असलेल्या विवाहितेला मुख्तार आधीपासून ‎ओळखत होता.

तिचा सतत पाठलाग करणे, ती‎ दिसताच अश्लील चाळे करण्याचे प्रकार तो‎ सातत्याने करत होता. परिसरातून एकटी जात‎ असताना काही दिवसांपूर्वी त्याने तिच्या पती व‎ मुलांचे अपहरण करून मारण्याची धमकी दिली.‎ शिवाय संसार उद्ध्वस्त करण्याची धमकी देत‎ भेटण्यासाठी आग्रह सुरू केला.

मार्च महिन्यात‎ विवाहितेला घरी बोलावून तिचे मोबाइलमध्ये शूटिंग‎ केले. तिच्यावर अत्याचार करत त्याचेही चित्रीकरण‎ केले. त्यानंतर कोणाला सांगितल्यास सोशल‎ मीडियावर व्हिडिओ व्हायरल करण्याची धमकी देणे‎ सुरू केले. त्याचा त्रास असह्य झाल्यावर महिलेने थेट‎ पोलिस निरीक्षक विठ्ठल पोटे यांच्याकडे तक्रार केली.‎ त्यावरून त्यांनी गुन्हा दाखल करण्याचे आदेश दिले.‎

गुन्हा दाखल होताच झाला‎ पसार, कार्यालयही बंद‎

आपल्यावर गंभीर गुन्हा दाखल झाल्याचे‎ कळताच मुख्तार खान पसार झाला.‎ तपास अधिकारी मुक्तेश्वर लाड यांनी‎ त्याचे घर, कार्यालय तपासले. मात्र, तो‎ अाढळून आला नाही. त्याच्या‎ कार्यालयावर राष्ट्रवादी काँग्रेसचा‎ पदाधिकारी असल्याचे बोर्ड पोलिसांना‎ दिसून आले. दरम्यान, महिलेची‎ मेडिकल तपासणी झाली असून‎ लवकरच मुख्तारला अटक करण्यात‎ येईल, असे पोलिसांनी सांगितले.