कार्यालयांच्या पाट्या बदला;‎ सेनेचा 2 दिवसांचा अल्टिमेटम‎:...तर आमच्या पद्धतीने समज देऊ: शिवसेना‎

शहरातील सर्व शासकीय कार्यालयांच्या‎ पाट्यांवर दोन दिवसांत ‘औरंगाबाद’ नाव‎ बदलून ‘छत्रपती संभाजीनगर’ नाव लिहा,‎ अन्यथा तीव्र आंदोलन करून हे नाव‎ बदलण्यात येईल, असा इशारा शिवसेनेच्या‎ शिंदे गटाकडून देण्यात आला आहे.‎ आमदार प्रदीप जैस्वाल यांच्या‎ कार्यालयाजवळ गुरुवारी (९ मार्च) या‎ विषयावर शिवसेनेची बैठक झाली. या वेळी‎ शहरप्रमुख विश्वनाथ राजपूत, उपशहरप्रमुख‎ राजू अहिरे, रमेश सूर्यवंशी आदींची उपस्थिती‎ होती. छत्रपती संभाजीनगर नामांतर होऊन १५‎ दिवस झाले आहेत. त्यासंदर्भातील शासकीय‎ आदेश आले आहेत तरीदेखील अनेक‎ सरकारी कार्यालयांवर अद्याप शहराचे नाव‎ बदलण्यात आलेले नाही. हा शासकीय‎ आदेशाचा अवमान आहे. याला जबाबदार‎ असणाऱ्या अधिकाऱ्यांना आमच्या पद्धतीने‎ समज देत नाव बदलण्यात येईल, असे‎ शहरप्रमुख राजपूत यांनी सांगितले.‎