सुविधांअभावी चिमुकल्यांचा पाया कच्चा:प्रस्ताव नसल्याने 899 अंगणवाड्या इमारतीविना,‎ तर 420 भरतात पडक्या खोल्यांत अन् उघड्यावर‎

जिल्ह्यातील छत्रपती संभाजीनगर, प्रकल्प १ व २, फुलंब्री १,‎ गंगापूर १,२, कन्नड १,२, खुलताबाद १, पैठण १,२, सिल्लोड‎ १,२, सोयगाव १, वैजापूर १ अशा एकूण १४ एकात्मिक बाल‎ विकास प्रकल्प कार्यालयांतर्गत येणाऱ्या ३ हजार ४०४‎ अंगणवाड्यांपैकी तब्बल ८९९ अंगणवाड्यांना स्वतःची‎ इमारतच नाही.

यापैकी ३६९ अंगणवाडीमधील चिमुकले‎ भाड्याच्या खोलीत, तर ४२० अंगणवाडीमधील चिमुकले‎ जिल्हा परिषद शाळेच्या एखाद्या पडक्या पत्राच्या खोलीत,‎ समाज मंदिर, ग्रामपंचायतीच्या एखाद्या जुन्या खोलीत‎ चिमुकल्यांना नाइलाजाने ज्ञानार्जन करावे लागते. तर २‎ हजार ७५ अंगणवाड्यांना नळजोडणी अन् ३ हजार २८६‎ अंगणवाड्यांना वीज जोडणीदेखील झालेली नाही.

विशेष‎ म्हणजे जिल्ह्यातील ९६१ अंगणवाड्यांमध्ये शौचालयच‎ नसल्याचा धक्कादायक समोर आला आहे.‎ जिल्ह्यातील ३४०४ अंगणवाड्यांपैकी २८०३ मोठ्या, तर ७९९‎ छोट्या अंगणवाड्या आहेत. परंतु, तब्बल ८९९‎ अंगणवाड्यांना स्वतःची इमारत नसल्याने चिमुकल्यांना‎ उघड्यावरच ज्ञानार्जन करावे लागते. जिल्हा परिषद‎ शाळांमध्ये अंगणवाड्या भरत असल्याचा दावा महिला व‎ बालकल्याण विभागाचे उपमुख्यधिकारी व प्रकल्प‎ अधिकारी करत असतील, परंतु, प्रत्यक्षात स्थिती वेगळी‎ आहे.

जिल्हा परिषद शाळेच्या इमारतीत अंगणवाड्या‎ भरवल्याचे कागदोपत्री सांगितले जाते. परंतु शाळेच्या‎ इमारतीत न भरता आवारात उघड्यावरच भरतात.‎

जिल्ह्यात अनेक ठिकाणी उघड्यावरच बालकांना पूर्व प्राथमिक शिक्षण आणि आहार घ्यावा लागतो. अंगणवाडी इमारतीच्या बांधकामासाठी शासनाकडून साडेसहा लाखांचा निधी‎ मिळतो. मात्र, अनेक ठिकाणी स्थानिक प्रशासनाच्या उदासीनतेमुळे तसेच जागा‎ उपलब्ध नसल्याने अनेक अंगणवाड्या उघड्यावर भरतात.

एकीकडे शासन ३ ते ६‎ वर्ष वयोगटातील बालकांसाठी विविध उपक्रम राबवत असताना पूर्व शालेय‎ शिक्षणावर भर देत आहे. परंतु, पूर्व शालेय शिक्षण देण्यासाठी पुरेशी जागाच उपलब्ध‎ नाही. अंगणवाडी सेविकांना अडचणी येतात. शासनाने यावर विशेष लक्ष देणे गरजेचे‎ असल्याचे शिऊरच्या अंगणवाडी सेविका शालिनीताई पगारे यांनी सांगितले.‎

किती इमारतींना मान्यता ‎?‎

माझ्या माहितीप्रमाणे ६२०‎ अंगणवाड्यांना स्वत:ची इमारत‎ नाही. मागील आर्थिक वर्षात ७८‎ अंगणवाड्यांच्या इमारतीला‎ प्रशासकीय मान्यता दिली.‎ जागा उपलब्ध असतानाही‎ उदासीनता का?‎ ‎ ‎ जागा उपलब्ध असते त्या‎ ठिकाणी इमारतीसाठी निधीच्या‎ मागणीचा अाम्ही प्रस्ताव देतो.‎ जागा उपलब्ध नाही अशा‎ ठिकाणी भाड्याच्या इमारतीत,‎ शाळेच्या इमारतीत, समाज‎ मंदिरात अंगणवाड्या भरताहेत.‎

सध्या किती प्रस्ताव आलेत?‎ ‎

नवीन इमारतीसाठी दरवर्षी‎ प्रस्ताव मागवण्यात येतात. ७५‎ प्रस्ताव आले आहेत. त्यांची‎ लवकरच प्रोसेस करणार आहोत.‎

निधीचा अभाव

निधीच मिळत नसल्याने इमारतींचा प्रश्न‎ अंगणवाड्यांच्या इमारतींबाबत जि.प. मासिक बैठकीत मी वारंवार‎ चर्चा घडवून आणली. जिल्ह्यातील अंगणवाड्यांच्या इमारतीच्या‎ बांधकामासाठी मूलभूत निधी मिळत नसल्याने हा विषय मागे पडला‎ आहे. त्यामुळे चिमुकल्यांना ऊन, थंडी, वारा, पावसाळा त्रास सहन‎ करावा लागतो.

-किशोर नारायणराव पवार, माजी जि. प. सदस्य.‎