आरोग्य:छत्रपती संभाजीनगर जिल्ह्यातून‎ ‘लम्पी’ आजार झाला हद्दपार‎

छत्रपती संभाजीनगर‎ छत्रपती संभाजीनगर जिल्हा परिषद‎ पशुसंवर्धन विभागाच्या डॉक्टर,‎ कर्मचाऱ्यांनी गेल्या ७ महिन्यांपासून‎ दिवसरात्र केलेेल्या कामामुळे‎ जनावरांचा बळी घेणारा ‘लम्पी’‎ आजार जिल्ह्यातून नाहीसा झाला‎ आहे.

दरम्यान, ‘लम्पी’मुळे‎ जिल्ह्यामध्ये १३१२ जनावरांचा बळी‎ गेला आहे . अशी माहिती‎ अधिकाऱ्यांनी दिली.‎

मोठे आव्हान

खान्देश आणि विदर्भामध्ये या‎ आजाराचा अधिक प्रसार‎ झाल्यामुळे आपल्या जिल्ह्यात तो‎ वाढू शकतो ही भीती असल्यामुळे‎ पशुसंवर्धन विभागासमोर मोठे‎ आव्हान होते. जि.प.च्या जिल्हा‎ पशुसंवर्धन अधिकारी डॉ. सुरेखा‎ माने यांच्या नेतृत्वाखाली तुटपुंजे‎ वैद्यकीय अधिकारी-कर्मचारी‎ असताना सर्वांनी जीवाचे रान केले.‎

विशेष म्हणजे डॉ. माने या स्वत:‎ सर्वत्र फिरत होत्या. जिल्ह्यातील‎ १४८ बाधित गावांमध्ये १२ हजार ८२‎ जनावरांना लम्पीची बाधा झाली.‎ यापैकी १३१२ जनावरांचा मृत्यू‎ झाला. यामध्ये ५६८ गायी, ४७७ बैल‎ आणि २६७ वासरांचा समावेश‎ आहे.

जनावरांच्या मालकांना मदत

मृत जनावरांच्या मालकांना‎ मदतीचे वाटप करण्यात आलेले‎ आहे. ४३७ गायींसाठी १ कोटी ३१‎ लाख १० हजार रुपये, ३९१‎ बैलांसाठी ९७ लाख ७५ हजार‎ आणि १९६ वासरांसाठी ३१ लाख ३६‎ हजार रुपये असे एकूण २ कोटी ६०‎ लाख २१ हजार रुपये वाटप करण्यात‎ आले आहे.