मी शेतीचा जुगार खेळताे:मला अटक करा; अवकाळीने ग्रस्त बोरदहेगाव‎च्या हतबल युवा शेतकऱ्याची प्रशासनाकडे अजब मागणी‎

खरिपाच्या हंगामात मका, कपाशीसह‎ अन्य पिकांना अतिवृष्टीचा माेठा फटका‎ बसला. उरल्यासुरल्या कपाशीलाही भाव‎ मिळाला नाही, अाता कांद्याच्या‎ उत्पादनातून तरी भरघाेस उत्पन्न निघेल,‎ अशी अाशा असतानाच दाेन वेळा‎ गारपिटीचा अाणि अधूनमधून सुरू‎ असलेल्या अवकाळी पावसात ८००‎ क्विंटल कांदा शेतातच भिजून माेठे‎ नुकसान झाले.

जवळपास चार लाख‎ रुपयांचाही खर्च पाण्यात गेला. परिसराम‎ आस्मानी संकटाने कहर करूनही कोणी‎ जबाबदार नेतृत्व फिरकले नाही. हा एक‎ जुगार खेळण्यासारखाच प्रकार‎ अापल्यासाेबत घडल्यामुळे हताश‎ झालेल्या वैजापूर तालुक्यातील ज्ञानेश्वर‎ तुकाराम उगले (३५, रा. बाेरदहेगाव) या‎ तरुण शेतकऱ्याने चक्क ‘मी शेतीचा‎ जुगार खेळताे, मला अटक करून‎ जेलमध्ये टाका’ अशी अजब मागणीच‎ पाेलिस व महसूल प्रशासनाकडे केली‎ असून याबाबतची व्हिडिअाे क्लिपसुद्धा‎ सर्वत्र व्हायरल झाली अाहे.‎

गारपिटीचा मारा, पावसाच्या तडाख्यात‎ शेतातच ८०० क्विंटल कांद्याची माती‎ डाेळ्यादेखत भिजत असलेला कांदा पाहून त्यांनी‎ पावसातच ट्रॅक्टरमध्ये कांदा भरण्याचा प्रयत्न केला असता‎ टपाेऱ्या गारपिटीने झाेडपण्यास सुरुवात केली. त्यामुळे कांदा‎ तिथेच पडून राहिल्याने गारपिटीचा मारा अाणि पावसाच्या‎ तडाख्यात जमा केलेले कांद्याचे ढीग भिजून मातीत‎ मिसळले. यात ८०० क्विंटल कांद्याचे नुकसान झाले.‎ उसनवारी करून ४ लाखांहून अधिक केलेला खर्चही‎ पाण्यात गेला. यामुळे उगले कुटुंब हताश झाले.‎

शेतीच्या जुगारात सर्व काही हरलो‎ शेतीच्या जुगारात सर्व काही हरलो, म्हणत शेतकरी‎ ज्ञानेश्वर उगले यांनी संतापून वैजापूरच्या पोलिस‎ ‎ अधीक्षक महक स्वामी अाणि‎ ‎ तहसीलदार यांना व्हिडिअाे क्लिपच्या‎ ‎ माध्यमातून अावाहन केले की, जुगार‎ ‎ खेळणे हा अपराध अाहे. माझ्यासारखे‎ ‎ शेतकरी दरवर्षी शेतात लाखो रुपयांचा‎ ‎ खर्च करून जुगार लावतात व हे‎ ‎ पिकवलेले हातातोंडाशी आलेले पीक‎ ‎ अवकाळी, गारपीट क्षणात हिसकावून‎ नेतात.

लाखोंचे नुकसान होते, पण सरकारी मदत तर‎ सोडाच, एकही महसूल व कृषी विभागाचा अधिकारी,‎ कर्मचारी साधा पंचनामा करण्यासाठी आमच्या बांधावर‎ येत नाही, हीच आमची मोठी शोकांतिका आहे. त्यामुळे‎ दरवर्षी शेतात पीक पिकवण्यासाठी हजारो रुपयांचा जुगार‎ लावणाऱ्या मला व माझ्यासारख्या सर्व शेतकऱ्यांना‎ अटक करा, कारण आम्ही दरवर्षीच आमच्या शेतात‎ लाखोंचा जुगार खेळतो अन् जुगार खेळणे हा कायद्याने‎ गुन्हा आहे. म्हणून आम्हाला जेलमध्ये टाका, अशी‎ भावना उगले यांनी व्यक्त केली आहे.‎

माेठ्या उत्पन्नाचे स्वप्न मिळाले धुळीस‎ शेतकरी ज्ञानेश्वर उगले हे स्वत:ची दाेन एकर अाणि त्यांच्या‎ काकाची पाच एकर शेती बटईने करतात. त्यांच्या कुटुंबात‎ पत्नी, अाई-वडील, भाऊ-भावजय असून त्यांचा उदरनिर्वाह‎ शेतीवरच अवलंबून अाहे. साडेपाच एकरात त्यांनी कांदा‎ लागवड केली होती. खूप मेहनत करून शेतात पिकवलेल्या‎ कांद्याची काढणी करून शनिवारी जमा करणे चालू होते.‎ अचानक अालेल्या वादळासह पावसात काढलेला कांदा पूर्ण‎ भिजला.‎