आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

औरंगाबाद:पदवीच्या परीक्षा नियोजित वेळेनुसारच होणार; 16 मार्चपासून परीक्षेला सुरुवात

औरंगाबादएका महिन्यापूर्वी
  • कॉपी लिंक
  • कोविड नियमावलीचे काटेकोरपणे पालन करा-कुलगुरू

डॉ.बाबासाहेब आंबेडकर मराठवाडा विद्यापीठाच्या पदवी अभ्यासक्रमाच्या परीक्षा (द्वितीय व तृतीय वर्षाच्या ) नियोजित वेळापत्रकानुसार १६ मार्चपासूनच सुरू होणार आहेत. कोविडच्या पार्श्वभूमीवर प्रशासनाने दिलेल्या सूचना काटेकोरपणे पाळण्याचे आदेश कुलगुरू डॉ. प्रमोद येवले यांनी दिले आहेत.

विद्यापीठाच्या १६ मार्च पासून प्रथम वर्ष सोडून उर्वरित वर्गाच्या पदवी अभ्यासक्रमाच्या परीक्षा होणार आहेत. विद्यार्थ्यांना ऑनलाईन व ऑफलाईन दोन्ही पर्याय उपलब्ध करुन देण्याचा निर्णय कुलगुरु डॉ. येवले यांनी घेतला आहे. सर्व पदवी अभ्यासक्रम (अव्यावसायिक) द्वितीय व तृतीय वर्षांच्या परीक्षा १६ मार्चपासून सुरु होणार आहेत.

औरंगाबाद शहर व जिल्ह्यात ११ मार्च ते ४ एप्रिल या काळात जिल्हा प्रशासनाने अंशतः लॉकडाऊन जाहीर केला आहे. दरम्यान परीक्षा घेण्यासंदर्भात जिल्हा आपत्ती व्यवस्थापन प्राधिकरण तसेच जिल्हा प्रशासन यांनी या संदर्भात घ्यावयाची काळजी व सर्व सूचना काटेकोरपणे पाळण्याचे आदेश विद्यापीठाने संबंधित सर्व केंद्र व महाविद्यालयातील दिले आहेत.

एखादा विद्यार्थी आजारी आढळल्यास त्याची वेगळी बैठक व्यवस्था करण्याच्या सूचना देण्यात आल्या आहेत. फिजिकल डिस्टन्स इन सेवन या परीक्षा घेण्याची तसेच त्यांच्या सोबत त्यांच्या आरोग्याची काळजी घेण्याची सूचनाही कुलगुरू यांनी दिल्या आहेत. या काळात औरंगाबादसह चारही जिल्ह्यातील परीक्षा नियोजित वेळापत्रकानुसारच होणार आहे तथापि या काळातील सर्व शनिवार-रविवारी विद्यापीठ परीक्षाचे पेपर ठेवण्यात आलेले नाहीत. यासंदर्भातील परिपत्रक आज जारी करण्यात आले आहे. दरम्यान, ऑनलाइन परीक्षेचा पर्याय निवडलेल्या विद्यार्थ्यांना ११ ते १४ मार्च दरम्यान ऑनलाईन मॉक टेस्ट देता येणार आहे. ज्या विद्यार्थ्यांनी ऑनलाईन पध्दतीने परीक्षा देण्याचा निर्णय घेतला आहे. त्यांनाच ही टेस्ट देणे गरजेचे आहे. ऑफलाईन विद्यार्थ्यांना स्वत:चे महाविद्यालय हेच ‘होम सेंटर‘ असणार आहे. दरम्यान, प्रथम वर्ष पदवी अभ्यासक्रमाच्या परीक्षा मात्र पदव्युत्तर अभ्यासक्रम परीक्षेसोबतच १ एप्रिल पासून होणार आहेत, अशी माहिती परीक्षा व मुल्यमापन मंडळाचे संचालक डॉ.योगेश पाटील यांनी दिली.

'पेट'चीही मॉक टेस्ट

विद्यापीठाच्यावतीने ऑनलाईन ‘पीएच.डी‘ एंट्रन्स टेस्ट अर्थात पेट ( पेपर दुसरा ) येत्या शनिवारी (दि.१३) घेण्यात येणार आहे. सहा हजार ३८३ विद्यार्थी पहिला पेपर उत्तीर्ण झाले आहेत. आता १३ मार्च रोजी दुसरा पेपर घेण्यात येईल. या सर्व विद्यार्थ्यांना ही ११ व १२ मार्च रोजी मॉक टेस्ट देणे गरजेचे आहे. सदर मॉक टेस्ट ही विद्यार्थ्यांना पहिल्या पेपर प्रमाणेच मोबाईल लॅपटॉप अथवा संगणकावर परीक्षा देता येईल, असे परीक्षा विभागाचे उपकुलसचिव डॉ. गणेश मंझा यांनी कळविले आहे.

बातम्या आणखी आहेत...