धक्कादायक:24 तासांत पुन्हा सिल्लोड बसला‎ मानेवाडीच्या वळणावर अपघात‎

बसने दुचाकीला धडक देऊन एक‎ जण गंभीर जखमी झाला, तर‎ चालकाने प्रसंगावधान राखल्याने‎ बस विद्युत खांबावर‎ अादळण्यापासून वाचली. यात ६०‎ प्रवासी बालंबाल बचावले. हा प्रकार‎ शनिवारी दुपारी बारा वाजता‎ सिल्लोड शहरात घडला.‎ सिल्लोड आगारातून ६० प्रवासी‎ घेऊन चालक शिवाजी वाघ व‎ वाहक गणेश सपकाळ हे बस‎ (एमएच २० बी एल ३७०४) घेऊन‎ निघाले. बस भराडी फाटा पार करून‎ पाचोऱ्याकडे निघाली हाेती. दरम्यान,‎ शहरातीलच मानेवाडी फाट्यावर‎ रजाळवाडीकडून अचानक मुख्य‎ रस्त्यावर बससमोर अालेल्या‎ दुचाकीला (एमएच २० ए एल‎ ५४२७) बसची धडक बसली. यात‎ दुचाकीस्वार जगन शेनफड दुधे‎ (४५, रा. रजाळवाडी) हे जखमी‎ झाले.

चालकाने अचानक ब्रेक‎ दाबल्याने मोठा अपघात टळला,‎ अन्यथा रस्त्याच्या कडेला‎ असणाऱ्या मुख्य विजेच्या खांबावर‎ बस आदळून मोठा अनर्थ घडला‎ असता, असे प्रत्यक्षदर्शींनी सांगितले.‎ अपघात घडताच मानेवाडीतील‎ नागरिकांनी धाव घेऊन तत्काळ‎ जखमीला रुग्णवाहिकेतून उपजिल्हा‎ रुग्णालयात दाखल केले. या‎ अपघातानंतर काही वेळ या‎ रस्त्यावरील वाहतूक खोळंबली‎ होती.

दुचाकीला धडक, ६० प्रवासी बचावले‎ ‎सिल्लोड-पाचोरा फलक असलेल्या बसला अपघात‎ शुक्रवारी (३ मार्च) सायंकाळी पाच वाजेच्या सुमारास सिल्लोड-पाचोरा या बसची व गॅस‎ सिलिंडर वाहतूक करणाऱ्या पिकअप गाडीची वांगी फाट्यानजीक वळणावर जोरदार धडक‎ झाल्याने एक ठार, तर ती ३० प्रवासी जखमी झाले हाेते. ही घटना ताजी असतानाच शनिवारी‎ दुसऱ्या दिवशीही सिल्लोड-पाचाेरा बसला पुन्हा अपघात झाला.‎