जयंती साजरी:उस्मानपुरा गुरुद्वारात उद्या कीर्तन

शिखांचे सातवे गुरू हर राय यांच्या जयंतीनिमित्त शुक्रवारी, ३ फेब्रुवारीला उस्मानपुरा येथील गुरुद्वारात अखंड पाठाचे आयोजन करण्यात आले आहे. दरवर्षी शिखांचे सातवे गुरू हर राय यांची जयंती साजरी करण्यात येते. बुधवारी अखंड पाठाला सुरुवात करण्यात आली. ३ फेब्रुवारीला पाठाची समाप्ती होणार आहे. या वेळी सकाळी १० वाजता भाई अमरजितसिंह, भाई परनामसिंह आणि गुरुमीतसिंह यांचे कीर्तन होऊन महाप्रसादाचे वाटप केले जाणार आहे. उपस्थित राहण्याचे आवाहन करण्यात आले आहे.