प्रतिपादन:साहित्य म्हणजे जीवनाचे प्रतिबिंब : साहित्यिक वासुदेव मुलाटे‎

वयाच्या उतरत्या काळात खूप काही‎ करावेसे वाटते, परंतु ताणतणाव,‎ प्रकृती स्वास्थ्याच्या समस्या‎ असतात. मात्र हे प्रश्न कायम‎ असताना सकारात्मकतेने जीवन‎ जगले पाहिजे. साहित्य आपल्याच‎ जीवनाचे प्रतिबिंब असते, असे‎ प्रतिपादन ज्येष्ठ साहित्यिक वासुदेव‎ मुलाटे यांनी केले.‎ प्रगतिशील ज्येष्ठ नागरिक‎ संस्थेच्या वतीने गुरुवारी सिडको‎ एन-५ गीता भवनात द्वितीय ज्येष्ठांचे‎ मराठी साहित्य संमेलन झाले. या‎ वेळी व्यासपीठावर संस्थेचे अध्यक्ष‎ भरत कुलकर्णी, माजी अध्यक्ष प्रा.‎ रमेश कुलकर्णी, सचिव श्रीकांत‎ पत्की यांची उपस्थिती होती.‎ याप्रसंगी मुलाटे म्हणाले की,‎ उतरत्या वयात ताण, आर्थिक‎ तणाव, आरोग्याच्या अडचणी‎ असतात. तुम्ही ज्याला सुख‎ म्हणतात ते कधी हाती लागत नाही.‎ मात्र मनाचे समाधान ज्याला असते‎ तोच श्रीमंत असतो.‎‎‎‎‎‎‎‎‎‎‎‎

ग्रंथदिंडीतून सावरकरांना‎ भारतरत्न देण्याची घोषणा :‎ सकाळी ग्रंथदिंडीचे श्रीराम जोशी,‎ भरत कुलकर्णी, रोहिणी कुलकर्णी‎‎‎‎‎‎‎‎‎‎‎‎ यांच्या हस्ते पूजन करण्यात आले.‎ मराठमोळ्या वेशभूषेत ग्रंथदिंडी‎ काढली. ज्येष्ठ महिला नऊवारी‎ घालून सहभागी होत्या.‎‎‎‎‎‎‎‎‎‎‎‎ हातात फलक घेऊन स्वा.‎ सावरकरांना भारतरत्न द्या, मराठी‎ भाषेला राजभाषेचा दर्जा द्यावा अशा‎ घोषणा देण्यात आल्या.‎‎

आज होणारे कार्यक्रम‎
सकाळी १० वाजता संस्थेच्या‎ लेखक व कवी यांच्या साहित्याचा‎ परिचय व त्यांचा सत्कार‎ दुपारी १ वाजता प्रसारमाध्यमे‎ काळाची गरज, फायदे व दुष्परिणाम‎ यावर परिसंवाद‎ दुपारी ३.३० वाजता संगीत कार्यक्रम‎