हा आठवडा पावसाचा:4 जिल्ह्यांत ऑरेंज, 22 जिल्ह्यांत यलो अलर्ट; मराठवाडा ते तामिळनाडूपर्यंत कमी दाबाचा पट्टा सक्रिय

राज्यात येणारे पाच ते सहा िदवस वादळी वारा, गारपिटीसह पूर्वमोसमी पाऊस होण्याची शक्यता हवामान विभागाने वर्तवली आहे. मराठवाडा ते तामिळनाडूपर्यंत कमी दाबाचा पट्टा सक्रिय अाहे. ४ ते ८ मे या काळात कोकण, मध्य महाराष्ट्र, मराठवाडा व विदर्भात मेघगर्जनेसह पावसाची शक्यता आहे. राज्यातील ४ जिल्ह्यांत ऑरेंज, तर २२ जिल्ह्यांत यलो अलर्ट जारी झाला. कोकण, मध्य महाराष्ट्र, मराठवाडा व विदर्भात मेघगर्जना व विजांच्या कडकडाटासह पावसाची शक्यता आहे.

गारपिटीची शक्यता : कुलाबा वेधशाळेने ४ ते ७ मे या काळासाठी ४ जिल्ह्यांसाठी ऑरेंज, तर २२ जिल्ह्यांसाठी यलो अलर्ट जारी केला आहे.

यलो अलर्ट : विदर्भातील ११ जिल्हे, औरंगाबाद, जालना, बीड, नांदेड,लातूर, उस्मानाबाद, पुणे, अहमदनगर, नाशिक, रत्नागिरी, सिंधुदुर्ग या जिल्ह्यांत मेघगर्जना, सोसाट्याचा वारा, विजांच्या कडकडाटासह
२.५ ते ६४ मिमी पावसाची शक्यता आहे.

ऑरेंज अलर्ट : सोलापूर, कोल्हापूर, सातारा, सांगली या जिल्ह्यांत वादळी वाऱ्यासह १५ ते ६५ मिमी पावसाची शक्यता. काही ठिकाणी गारपिटीची शक्यता.