अर्थसंकल्प 2023:तीन मंत्री असूनही छत्रपती संभाजीनगरच्या‎ जिल्हा नियोजनात केवळ 60  कोटींची वाढ‎

छत्रपती संभाजीनगर जिल्ह्याचा जिल्हा‎ नियोजन समितीचा वार्षिक आराखडा‎ २०२१-२२मध्ये ३६५ कोटी रुपयांचा होता. मात्र, ‎ ‎ तत्कालीन पालकमंत्री सुभाष देसाई यांनी ३६५ ‎ ‎ कोटींचा आराखडा थेट ५०० कोटींवर नेत‎ सर्वाधिक वाढीव निधी मुख्यमंत्र्यांकडून‎ छत्रपती संभाजीनगरला मिळवला होता. आता‎ छत्रपती संभाजीनगर जिल्ह्याला रोहयोमंत्री,‎ पालकमंत्री संदिपान भुमरे, कृषिमंत्री अब्दुल‎ सत्तार आणि सहकारमंत्री अतुल सावे यांच्या‎ पाने तीन मंत्री मिळाले आहेत. त्यामुळे मागणी‎ केलेले वाढीव २५० कोटी रुपये जिल्ह्याला‎ मिळतील, अशी अपेक्षा होती. मात्र‎ अर्थसंकल्पात जिल्ह्याला केवळ ६० कोटी‎ रुपयांचा निधी मिळाला आहे.‎ मराठवाड्यात जिल्हा नियोजन समितीमध्ये‎ मोठ्या प्रमाणात मागण्या केल्या असताना‎ अर्थमंत्री देवेंद्र फडणवीस यांनी मात्र निधी‎ देताना आखडता हात घेतला आहे. त्यामुळे‎ मराठवाड्याच्या सर्व जिल्ह्यांत जिल्हा नियोजन‎ समितीमध्ये केवळ १२ ते १५ टक्के एवढीच वाढ‎ झालेली आहे.‎

तत्कालीन पालकमंत्री सुभाष देसाई‎ यांनी वार्षिक आराखडा ५०० कोटी‎ रुपयांपर्यंत वाढवला. ही वाढ तब्बल ३६‎ टक्के होती. त्यानंतर या वर्षी २०२३-१४‎ साठी छत्रपती संभाजीनगरचा‎ आराखडा ७५० कोटी रुपयांचा‎ करण्यात आला होता. त्याचा प्रस्ताव‎ अर्थमंत्री देवेंद्र फडणवीस यांच्यासमोर‎ विभागीय नियोजन समितीच्या बैठकीत‎ मांडण्यात आला होता. मात्र, आज‎ अर्थसंकल्पात केलेल्या तरतुदीनुसार‎ छत्रपती संभाजीनगर जिल्ह्याला केवळ‎ ६० कोटी रुपयांचा वाढीव निधी‎ मिळाला असून हे प्रमाण १२ टक्के‎ इतके आहे. त्यामुळे २५० कोटी‎ रुपयांचा वाढीचा प्रस्ताव अर्थमंत्र्यांनी‎ नाकारत जिल्ह्याला फारशी वाढ‎ दिलेली नाही.‎

पहिल्यांदाच स्थानिक पालकमंत्री‎ गेल्या अनेक वर्षापासून जिल्ह्याच्या बाहेरचे‎ पालकमंत्री मिळत होते. आता स्थानिक पालकमंत्री‎ असताना फारसा निधी वाढवून मिळाला नाही.‎ विशेष म्हणजे पालकमंत्री संदिपान भुमरे यांनी‎ स्वतः आम्ही २५० कोटींचा निधी वाढून मागितला‎ असून, आम्हाला तो मिळेल, असा विश्वास व्यक्त‎ केला होता.‎ जिल्हा २०२३ २०२४ टक्के‎ छत्रपती संभाजीनगर ५०० ५६० १२‎ जालना २८२ ३२५ १५.२५‎ बीड ३७० ४१० १०.८१‎ परभणी २५१ २९० १५.५४‎ धाराशिव ३०० ३४० १३.३३‎ लातूर ३०२ ३४० १२.५८‎ हिंगोली २०० २३५ १७.५०‎ नांदेड ४०० ४४५ ११.२५‎

सर्वाधिक आमदार छत्रपती संभाजीनगरचे‎
जिल्ह्यात नऊपैकी कन्नडचे आमदार वगळता आठ आमदार‎ सत्ताधारी आहेत. जिल्ह्यातील संजय शिरसाट, प्रदीप जैस्वाल,‎ रमेश बोरनारे, संदिपान भुमरे, अब्दुल सत्तार हे सर्व आमदार शिंदे‎ गटात सहभागी झाले आहेत. या सर्व आमदारांनी देवेंद्र फडणवीस‎ यांच्यासमोर जिल्ह्याच्या विकासासाठी मोठ्या प्रमाणात वाढीव‎ निधी देण्याची मागणीही केली होती. त्यामुळे छत्रपती संभाजीनगर‎ जिल्ह्यासाठी वाढीव निधी मिळेल, अशी होती.‎