सर्वसामान्य नागरिकांची अपेक्षा:पोलिस दलास नव्याने सव्वादोन कोटींची वाहने

संकटकाळात वेळेत पोलिसांची मदत मिळाली पाहिजे, अशी सर्वसामान्य नागरिकांची अपेक्षा असते. परंतु पोलिसांच्याही अनेक अडचणी व प्रश्न आहेत. त्यामुळे भविष्यात पोलिसांच्या अडचणी सोडवून पोलिस दलास अत्यावश्यक सुविधा पुरवणार, त्यांना आधुनिकीकरणासाठी आवश्यक गाेष्टी पुरवण्यासाठी प्रयत्न करणार अाहे, असे पालकमंत्री संदिपान भुमरे यांनी सांगितले.

ग्रामीण जिल्हा पोलिस दलासाठी जिल्हा नियोजन निधीच्या माध्यमातून २ कोटी २० लाख ३२ हजार रुपयांच्या निधीतून ७ फोर्स मोटर्स ट्रॅक्स आणि ७ महिंद्रा बोलेरो अशा १४ चारचाकी वाहनांची खरेदी केली. सदरील वाहने ४ मार्च रोजी सायंकाळी पोलिस दलास सुपूर्द करण्यात आली. या वेळी विशेष पोलिस महानिरीक्षक के. एम. मल्लिकार्जुन प्रसन्ना, जिल्हाधिकारी अास्तिककुमार पांडेय, पोलिस अधीक्षक मनीष कलवानिया आदींची उपस्थिती होती. जिल्हाधिकारी पांडेय यांनी येत्या काळात तरुणाई ही ड्रग्ज व इतर व्यसनाधीनतेकडे वळणार नाही यासाठी कडक धोरण राबवणार असल्याचे सांगितले.