आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गुलाबराव पाटलांची गोधडी काढणार:चंद्रकांत खैरेंचा इशारा; सिगारेट ओढत फोटो काढणाऱ्या नवनीत राणांनी काही शिकवू नये!

औरंगाबाद21 दिवसांपूर्वी
  • कॉपी लिंक

गुलाबराव पाटलांनी खोके मिळायला लागले की तो आदित्य ठाकरेंवर बोलतो, अशी एकेरी टीका शिवसेना नेते चंद्रकांत खैरे यांनी केली आहे. पण मी त्याची गोधडी काढल्याशिवाय राहणार नाही. मला राग आला तर मी काहीही करू शकतो, असे वक्तव्य शिवसेनेचे नेते चंद्रकांत खैरे यांनी केले आहे.

अमरावतीच्या खासदार नवनीत राणा यांच्यावर टीका करताना खैरे म्हणाले की, सिगारेट ओढत फोटो काढणाऱ्या महिलेने आम्हाला काही शिकवू नये, त्यांचे कपडे कसे असतात हे सर्व जनतेला माहिती आहे.

गुलाबराव पाटील म्हणाले होते?

गुलाबराव पाटील अनेकदा त्यांच्या वक्तव्यामुळे चर्चेत असतात, शिंदे गटात गेल्यानंतर त्यांनी आदित्य ठाकरेंवर जोरदार टीका केली. गुलाबराव पाटील म्हणाले की, आदित्य ठाकरे? गोधडीत पण नव्हता. आम्ही तेव्हाही शिवसेनेत होतो. याला काय अधिकार आमच्यावर टीका करण्याचा?, अशा शब्दांत गुलाबराव पाटलांनी निशाणा साधताना आदित्य ठाकरेंचा एकेरी उल्लेख केला होता यावर चंद्रकांत खैरेंनी गुलाबराव पाटलांवर हल्लाबोल केला आहे.

नवनीत राणांचे वक्तव्य?

तू ठाकरे है तो मैं भी राणा हूं. मी मुंबईची मुलगी आणि विदर्भाची सून आहे. तुम्ही शिवसेनेचे असाल तर मी पण विदर्भाची सून आहे, आमना सामना तर लवकरच होईलच. त्यात कळेल की कोण किती ताकदवान आहे, अशा एकेरी शब्दात नवनीत राणांनी उद्धव ठाकरेंना इशारा दिला आहे. यामुळे चंद्रकांत खैरे चांगलेच संतापले आहेत. यावर बोलताना त्यांनी त्या बाईंनी आम्हाला हनुमंताची आणि रामाची भक्ती शिकवू नये असे म्हणत तिचे कपडे आणि सिगारेट ओढतानाचे फोटो पाहिल्यावर लोकांना त्या कशा आहेत हे समजले आहे अशी टीकाही खैरेंनी केली.

बातम्या आणखी आहेत...