पाऊस:राज्यात आजपासून चारदिवस पावसाची शक्यता, औरंगाबाद, बीड, जालन्यासाठी ऑरेंज अलर्ट

महाराष्ट्रावरील चक्रीय वाऱ्यांची स्थिती आणि कमी दाबाचे क्षेत्र तयार झाल्याने राज्यातील अनेक भागांत १८ ते २१ मार्चदरम्यान पावसाची शक्यता आहे. कोकण-गोव्यासह मध्य महाराष्ट्र, विदर्भ आणि मराठवाड्यात या काळात अनेक ठिकाणी मेघगर्जना व विजांच्या कडकडाटासह पाऊस होण्याची शक्यता हवामान विभागाने वर्तवली. कुलाबा वेधशाळेने आठ जिल्ह्यांसाठी ऑरेंज तर उर्वरित जिल्ह्यांसाठी यलो अलर्ट दिला आहे.

जिल्हानिहाय अलर्ट
यलो अलर्ट (२.५ ते १५.५ मिमी पावसाची शक्यता) : कोकण गोवा विभाग, जळगाव, धुळे, नंदुरबार, नाशिक, नगर, सातारा, सांगली, कोल्हापूर, सोलापूर, लातूर, उस्मानाबाद, हिंगोली, अकोला, अमरावती, बुलडाणा, यवतमाळ.