गौरव:प्राचार्या डॉ. वैशाली प्रधान यांना मलेशियात आंतरराष्ट्रीय पुरस्कार

नागसेनवन येथील मिलिंद कला महाविद्यालयाच्या प्राचार्या डॉ. वैशाली प्रधान यांना नुकताच डॉ. बाबासाहेब आंबेडकर आंतरराष्ट्रीय समाजभूषण पुरस्कार जाहीर झाला आहे. मलेशिया येथील जागतिक आंबेडकरवादी साहित्य महामंडळ व डॉ. आंबेडकर वेल्फेअर असोसिएशन यांच्या संयुक्त विद्यमाने ८ फेब्रुवारी २०२३ पर्यंत मलेशियाची राजधानी क्वालालंपूर येथे दुसरे आंबेडकरवादी विश्व साहित्य संमेलन होत आहे. या साहित्य संमेलनामध्ये प्राचार्या डॉ. वैशाली प्रधान यांना सामाजिक व शैक्षणिक क्षेत्रातील बहुमूल्य योगदानाबद्दल डॉ. बाबासाहेब आंबेडकर आंतरराष्ट्रीय समाजभूषण पुरस्कार देऊन गौरवण्यात येणार आहे. या साहित्य संमेलनामध्ये डॉ. प्रधान ‘आंबेडकरवादाशिवाय जगातील स्त्रियांचे उत्थान नाही’ या विषयावर मार्गदर्शनही करणार आहेत.