शालेय विद्यार्थ्यांचा डाटा लीक?:विद्यार्थी- पालकांची वैयक्तिक माहिती जाहीर करू नका - शाळांना शिक्षण विभागाच्या कडक सूचना

तुमची मुलगी, मुलगा दहावी अथवा बारावीत शिकतात का? कुणी तुमच्या घरात शाळेत जाणारे पंधरा वर्षापर्यंतची मुलं आहेत का? तुम्हाला क्लास लावायचाय का? असे फोन ​​​​​​पालकांसह ​खुद्द शिक्षण विभागातील अधिकारी आणि शिक्षणाधिकाऱ्यांनाही येत आहेत. या फोन काॅल्समुळे पालक त्रस्त असून या प्रकाराने शिक्षण विभाग सजग झाला आहे.

एकाही विद्यार्थ्याची, त्याच्या पालकांची माहिती फोन नंबर सार्वजनिक होणार नाही. याची काळजी घ्या, अन्यथा संबंधित शाळांवर कारवाई केली जाईल. अशी कडक शब्दात शिक्षण विभागाने पत्राद्वारे सर्व शाळांना सूचित केले आहे.

काय आले फोन काॅल्स?

''नमस्कार! तुमची मुलगी, मुलगा दहावी अथवा बारावीत शिकतात का? कुणी तुमच्या घरात शाळेत जाणारे पंधरा वर्षापर्यंतची मुलं आहेत का? असे फोन शैक्षणिक वर्षाच्या सुरुवातीला अनेक पालकांना येत आहेत. येत असतातही रोज चार पाच फोन तरी असेच शाळा अथवा क्लास लावण्यासाठी भांडावून सोडत आहेत. खुद्द शिक्षण विभागातील अधिकारी आणि शिक्षणाधिकाऱ्यांना देखील तुमला क्लास लावायचा का? म्हणून फोन आले आहेत. अशी सर्व मुलांची अथवा पालकांची वैयक्तिक माहिती मिळते तरी कुठून असा सवाल पालकांना पडला आहे.

डेटा मिळतोच कसा?

दहावी-बारावीच्या परीक्षा संपल्यावर आणि विविध प्रकारच्या सीईटी,प्रवेश पूर्व परीक्षांचा मौसम सध्या सुरु आहे. तर लवकरच प्रवेश प्रक्रिया देखील सुरु केल्या जाणार आहेत. अशावेळी महाविद्यालया बाहेर, परीक्षा केंद्राबाहेर असो वा एखाद्या शाळेतून विद्यार्थ्यांना डेटा गोळा कसा काय केला जातो. असा प्रश्न आता शिक्षण विभागाला देखील पडला असून, त्यांची वैयक्तिक माहिती कोणतीही शाळा इतरांना देवू शकत नाही. असे शिक्षणाधिकारी एम.के. देशमुख यांनी सांगितले.

गेल्या काही दिवसात खुद्द शिक्षण विभागातील अधिकाऱ्यांना देखील अशी प्रचिती आली असून, नमस्कार सर, मॅडम तुम्ही ... बोलत आहे का? तुम्हाला क्लास लावायचा का? घरात कुणी लहान मुल आहेत का? अशी विचारणा केली जात आहे. यामुळे विद्यार्थ्यांची आणि पालकांची वैयक्ती माहिती बाहेर येते कशी? म्हणून शाळांनाच कुणालाही माहिती देण्यात येवू नये अशी तंबी देण्यात आली आहे.

वैयक्ति माहिती देवू नका

''क्लास असो वा शाळा अशा प्रकारचे फोन आले तर पालकांच्या केवळ तोंडी तक्रारी येतात. असे काही होत असल्यास त्यांनी लेखी तक्रार करायला हवी. आम्ही शाळांना यापूर्वी देखील आणि आता पुन्हा विद्यार्थी - पालकांची माहिती गोपनीय ठेवण्याच्या सूचना केल्या आहेत. विद्यार्थी सुरक्षा महत्त्वाची आहे. असे प्रकार करणाऱ्या शाळांवर कारवाई करण्यात येईल.'' -एम.के.देशमुख माध्यमिक शिक्षणाधिकारी