आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

मध्य प्रदेशात अपघात:वडोदवाडी आश्रमाचे महंत सोमेश्वरगिरी महाराज यांच्यासह सहा जणांचा मृत्यू

सारंगपूर, खामगाव7 महिन्यांपूर्वी
  • कॉपी लिंक
  • इनाेव्हा-वॅगन आर कारची समाेरासमाेर धडक; तीन जण जखमी

मध्य प्रदेशातील सारंगपूर येथील राष्ट्रीय महामार्ग क्रमांक ५२ वर साेमवारी सकाळी ६ वाजता झालेल्या भीषण अपघातात वडोदवाडी (ता. फुलंब्री, जि. आैरंगाबाद) आश्रमाचे महंत सोमेश्वरगिरी महाराज, अनंतगिरी महाराजांसह इंदूरमधील एकाच कुटुंबातील चार जण जागीच ठार झाले.

वडोदवाडीच्या श्री पूर्णेश्वर महादेव सेवाश्रमाचे महंत सोमेश्वरगिरी महाराज (४५) व अनंतगिरी महाराज (३३) हे आपल्या शिष्यांसह इनाेव्हा कारने (एमएच २० बीवाय २७२७) २१ जून राेजी रात्री १० वाजता आैरंगाबादहून लखनऊ येथील ठाकूरगंजमधील कल्याणगिरी आश्रमात जाण्यासाठी निघाले हाेते. साेबत २ सहकारी व लहान मुलगा हाेता. इंदूरच्या भगीरथपुरा येथील यादव कुटुंब वॅगन आर कारने गुनाहून इंदूरकडे जात होते. सकाळी ६ वाजेच्या सुमारास महामार्गावर भरधाव दाेन्ही कारची समाेरासमाेर धडक झाली. यात साेमेश्वरगिरी महाराज, महंत अनंतगिरी महाराजांसह शैलेश यादव (४०), त्यांच्या आई सिया दुलारी यादव (६०), मुलगा मोहित यादव (१४) हे जागीच ठार झाले, तर शैलेश यांचे वडील अमरसिंह यादव (६५) यांचा उपचारादरम्यान मृत्यू झाला. इनाेव्हा कारचा चालक सार्थक प्रकाश वाघ (२२), अभिषेक कमल (१९) आणि कैलाश (१४, सर्व रा. वडाेदबाजार) यांना गंभीर अवस्थेत सारंगपूरच्या रुग्णालयात दाखल करण्यात आले.

Open Divya Marathi in...
  • Divya Marathi App
  • BrowserBrowser