वार्षिक स्नेहसंमेलन साेहळा:देवगिरी काॅलेजमध्ये फेटा डेनिमित्त विद्यार्थ्यांनी घेतली सेल्फी

देवगिरी इन्स्टिट्यूट ऑफ मॅनेजमेंटतर्फे बीबीए, बीसीए, बीसीएसच्या विद्यार्थ्यांचा वार्षिक स्नेहसंमेलन साेहळा सुरू आहे. यात बुधवारी विद्यार्थ्यांनी फेटा डे साजरा केला. या वेळी रंगीत फेटे बांधलेल्या तरुण-तरुणींना सेल्फी घेण्याचा मोहदेखील आवरला नाही. कारण, महाराष्ट्राची शान असणारा हा फेटा आजही एक स्टाइल स्टेटमेंट आहे. आजही महाराष्ट्रीयन लोकांचे या फेट्यावर तेवढेच प्रेम आहे, जेवढे राजा-महाराजांच्या काळात होते. जसे की ‘पगडी’… वेगवेगळ्या राज्यांत या पगडी घालण्याच्या वेगवेगळ्या स्टाइल्स आहेत तसेच महाराष्ट्रातील ‘फेटा’ हा देखील यांपैकीच एक. फेटा म्हणजे मराठ्यांची ओळख. अभिमान आणि प्रतिष्ठा व संस्कृतीचे प्रतीक होय.