दबाव‎ असल्याची चर्चा:समर्थकांच्या वर्णीसाठी लांबली‎ भाजप कार्यकारिणीची घोषणा‎

भारतीय जनता पार्टीच्या शहर‎ जिल्हाध्यक्षपदी शिरीष बोराळकर‎ यांची नियुक्ती करण्यात आलेली‎ आहे. नियुक्तीनंतर दोन महिन्यांपेक्षा‎ जास्त कालावधी ‌उलटूनही अद्याप‎ कार्यकारिणीची घोषणा करण्यात‎ आलेली नाही. भाजपमधील केंद्रीय‎ मंत्री, राज्यातील कॅबिनेट मंत्री,‎ आमदार, प्रदेश पदाधिकारी यांच्या‎ समर्थकांसाठी कार्यकारिणीची‎ घोषणा लांबली असल्याचे पक्षातून‎ बोलले जात आहे. बोराळकर‎ यांच्यावर वरिष्ठांचा समर्थकांना‎ स्थान देण्यासाठी मोठा दबाव‎ असल्याची चर्चा आहे.‎

छत्रपती संभाजीनगर शहर जिल्हा ‎ ‎ भाजपच्या कार्यकारिणीत वर्णी‎ लागावी यासाठी अनेकांनी आपली ‎ ‎ ताकद पणाला लावली आहे. विविध ‎ ‎ आघाड्यांचे अध्यक्षपद‎ मिळविण्यासाठी अनेकांनी आपले‎ देव पाण्यात बुडवून ठेवले आहेत. ‎ ‎ महापालिका निवडणुकीपर्यंत तरी‎ एखादे पद मिळावे अशी अनेकांची‎ इच्छा असल्याचे चित्र सध्या दिसत‎ आहे.‎

लाॅबिंग होत नाही‎ लॉबिंग संकल्पना भाजपमध्ये‎ चालत नाही. काम करणाऱ्या‎ कार्यकर्त्यास नेहमी न्याय दिला‎ जातो. भाजपच्या विविध बैठका,‎ अभियान सुरू आहेत. सकल हिंदू‎ समाजाच्या मोर्चाची तयारी सुरू‎ आहे. राज्यात कुठेच कार्यकारिणी‎ जाहीर करण्यात आलेली नाही.‎ त्यामुळे येथील कार्यकारिणी जाहीर‎ केली नाही. दबावाखाली काम‎ करीत नाही.‎ - शिरीष बोराळकर, शहर जिल्हा‎ अध्यक्ष‎