आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

सेट परीक्षा:सावित्रीबाई फुले पुणे विद्यापीठाकडून घेण्यात येणारी सेट परीक्षा ढकलली पुढे

औरंगाबादएका वर्षापूर्वीलेखक: विद्या गावंडे
  • कॉपी लिंक
  • कोरोनाच्या प्रादुर्भावामुळे घेतला निर्णय

राज्यस्तरावर अधिव्याख्याता पदासाठीची पात्रता परीक्षा सेट पुढे ढकलण्यात आली आहे. २८ जून रोजी होणारी ही परीक्षा करोना साथीच्या वाढत्या प्रादुर्भावामुळे निर्माण झालेल्या गंभीर परिस्थितीचा विचार करत पुढे ढकलण्यात आल्याचे सावित्रीबाई फुले पुणे विद्यापीठाकडून सांगण्यात आले आहे.

सावित्रीबाई फुले पुणे विद्यापीठाकडून सेट परीक्षा घेण्यात येते. यंदाची सेट परीक्षा २८ जून रोजी घेण्यात येणार होती त्यानुसार जानेवारी-फेब्रुवारी दरम्यान अर्ज भरण्यात आले. परीक्षेचे नियोजन करण्यात आले. मात्र, मार्चनंतर करोनाने सर्वत्र थैमान घातले. राज्यात १६ मार्चपासून विद्यापीठे, कॉलेज बंद आहेत. त्यात लॉकडाऊन मेपर्यंत वाढविण्यात आले आहे. रोगाचा प्रादुर्भाव वाढत असल्याने जूनमध्ये होणारी परीक्षा पुढे ढकलण्याचा निर्णय घेण्यात आला. याबाबतचे पत्र विद्यापीठाच्या वेबसाइटवर प्रसिद्ध करण्यात आले आहे. या परीक्षेचे नियोजन पुढील काळात परिस्थितीचा आढावा घेऊन करण्यात येईल व त्यासंबंधीची माहिती वेबसाइटवर कळविण्यात येईल असे सांगण्यात आले आहे.

बातम्या आणखी आहेत...