कव्वाली:ख्वाजा सय्यद शाह नुरुद्दीन हुसेनी चिश्ती यांचा उरूस उद्यापासून शहरात होणार सुरू

जुना बाजार परिसरात असलेल्या मुख्य पोस्ट ऑफिसजवळ दर्गाह हजरत ख्वाजा सय्यद शाह नुरुद्दीन हुसेनी चिश्ती निजामी कलीमी राह. यांचा उरूस ८ फेब्रुवारीपासून सुरू होणार आहे. या वेळी गुसल, शरीफ व कव्वाली, जुलूस-ए-संदल, मेहफिल-ए-समा, संदल माली, कुरानख्वानी आदी धार्मिक कार्यक्रमांचे आयोजन करण्यात येणार आहे.

८ फेब्रुवारीला रात्री ईशाच्या प्रार्थनेनंतर गुसल, शरीफ आणि कव्वाली होतील. ९ रोजी मगरीबच्या नमाजनंतर दर्गा परिसरातील मशिदीतून मिरवणूक निघून दर्ग्यावर पोहोचेल. त्यानंतर मेहफिल-ए-समा होईल. १० फेब्रुवारी रोजी सकाळी फजरची नमाज संदल माली, सकाळी ८ वाजता कुराण ख्वानी कार्यक्रम होईल. ईशाच्या नमाजानंतर रात्री १० ते २ या वेळेत मेहफिल-ए-समा कार्यक्रम होईल. ११ फेब्रुवारी रोजी ईशाच्या नमाजनंतर चिराग आणि मेहफिल-ए-समामध्ये उत्तर प्रदेश आणि हैदराबादचे प्रसिद्ध कव्वाल कलाम सादर करतील. १२ रोजी सकाळी १० वाजता समारोप होईल. उपस्थित राहण्याचे आवाहन सय्यद शाह अझरुद्दीन हुसेनी आदींनी केले आहे.