आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मॅनेजमेंट फंडा:ताऱ्यांना स्पर्श करा, पण पाय जमिनीवर असू द्या!

औरंगाबाद15 दिवसांपूर्वी
  • कॉपी लिंक

काेणतीही सवय लागण्यासाठी जीवनाता कोणी ना कोणी नक्कीच आपल्याला प्रेरित करते. वर्षानुवर्षांपासून मी दिवसातून थोडा वेळ काढून ई-मेलद्वारे आलेली सर्व पत्रे दोन ओळींची असली तरीही वाचतो आणि उत्तरे देतो. मी स्तुती आणि टीका समानतेने स्वीकारत शक्य तितक्या सुधारण्याचा प्रयत्न करतो. सर्व वाचकांना प्रतिसाद देण्याची वृत्ती मी शिकलो आणि प्रतिक्रियांच्या आधारे माझ्या कामात सुधारणा करण्याचे सर्व श्रेय भारतातील सर्वात मोठे रेडिओ व्यक्तिमत्व अमीन सयानींना जाते. तुम्हाला सांगतो, अमीन यांचा प्रसिद्ध कार्यक्रम बिनाका गीतमालाला ३ डिसेंबर २०२२ रोजी ७० वर्षे पूर्ण होतील. ताे प्रत्यक्षात सुरू हाेण्यामागे तत्कालीन माहिती प्रसारण मंत्री बी.व्ही. केसकर होते. हा कार्यक्रम १९५२ मध्ये सुरू झाला. विशेष म्हणजे चित्रपटातील गाणी त्या काळातील तरुणांना आकर्षित करणारी होती. त्यावर मंत्री नाराज हाेते आणि त्यांनी संस्कृती नष्ट हाेत असल्याचे सांगत आकाशवाणीवर गाण्यांवर बंदी घातली. त्या काळात जग युद्धापासून दूर होते आणि लाेक सामान्य जीवन जगत असताना गाण्यांची लोकप्रियता वाढत होती. त्यानंतर रेडिओवर जाहिराती सुरू झाल्या. त्यावेळी ‘सिबा गागी’ कंपनीला तरुणांमध्ये टूथपेस्ट-ब्रशिंगची संस्कृती रुजवायची होती.

कारण त्यावेळी बहुतांश लाेक टूथ पावडर आणि कडुलिंबाचा वापरत. गाण्यांवरील बंदीने रेडिओ सिलोनला त्यात जाहिरातींची संधी मिळाली. भारतातील प्रत्येक घरापर्यंत पोहोचण्यासाठी त्यांच्याकडे अनेक शक्तिशाली ट्रान्समीटर होते. संपूर्ण आशिया-आफ्रिकेवर लक्ष ठेवण्यासाठी ही सुविधा ब्रिटिशांच्या ताब्यादरम्यान उभारली होती. ‘सिबा गागी’ कंपनी स्क्रिप्ट लिहिण्यासाठी, कथन करण्यासाठी आणि निवडलेल्या गाण्यांची घोषणा करण्यासाठी कोणीतरी याेग्य व्यक्तीच्या शाेधात हाेती. त्यासाठी अमीन सयानी यांची २५ रुपये प्रतिकार्यक्रम अशा मानधनावर नियुक्ती झाली. कार्यक्रमानंतर मिळालेल्या पत्रांच्या संख्येवरून कार्यक्रमाच्या यशाचे मूल्यांकन केले जाणार हाेते. किमान १०० पत्रे यावीत अशी प्रार्थना अमीन करत होते. पण पहिल्याच कार्यक्रमानंतर ७ हजार पत्रे प्राप्त झाली, जी एका आठवड्यात ६५ हजार झाली. सर्व पत्र वाचणे हे त्यांच्यासाठी सर्वात मोठे आव्हान होते. टीम मदत करत असली तरी बहुतेक पत्रं ते स्वतः वाचत. अमीन सयानी यांच्या या सवयीने प्रेरित होऊन मी सर्वांना उत्तरे देण्याची सवय लावली.

ब्रँड म्हणून दैनिक भास्करनेही हीच सवय आत्मसात केली. २००३ मध्ये भास्करने पत्राद्वारे वाचकांकडून काही सूचना मागवल्या. पहिल्या दिवशी पोस्टमनने पत्राने भरलेली ११ पोती आणली. आठवड्याच्या शेवटी, जयपूर कार्यालयात २ लाख १० हजारांहून अधिक पत्रे प्राप्त झाली, इतर चार टीम सदस्यांसह, मी सलग सहा आठवडे दिवसातील २० तास ती पत्रे वाचली. विशेष म्हणजे मी अमीन सयानी यांना अनेक वर्षांनंतर पत्रकार म्हणून भेटलो तेव्हा आमची प्रेरणा एकच व्यक्ती होती हे जाणून मला आश्चर्य वाटले. आम्ही दोघांनी कॅसी अमीन, अमेरिकन डिस्क जॉकी, अभिनेता आणि रेडिओ व्यक्तिमत्वाचा कार्यक्रम फॉलो केला. ज्यांनी अनेक रेडिओ शो तयार केले आणि संयाेजित केल. त्यात ‘अमेरिकन टॉप ४०’ सर्वात लाेकप्रिय. सयानींच्या कार्यक्रमात आठवड्यातील टॉप १६ गाणी असायची. केसी अमीन एकदा म्हणाले होते की तुमचे पाय जमिनीवर ठेवा आणि ताऱ्यांपर्यंत पोहोचण्याचा प्रयत्न करत रहा.

बातम्या आणखी आहेत...