ट्रिपल जन्मठेप‎:मुलीस गर्भवती ठेवणाऱ्या‎ बापास डीएनएआधारे शिक्षा, आईला 6 महिने सक्तमजुरी‎

पोटच्‍या मुलीवर अत्‍याचार करून‎ तिला गर्भवती केल्यानंतर‎ पीडितेवर दबाव टाकून खोटा‎ गुन्‍हा दाखल केल्या प्रकरणात‎ डीएनए चाचणीआधारे‎ न्‍यायालयाने नराधम पित्याला‎ विविध कलमांखाली तीन‎ जन्‍मठेप, एक लाख ९५ हजारांच्‍या‎ दंडाची शिक्षा, तर गुन्‍हा‎ लपवणाऱ्या मातेला सहा‎ महिन्‍यांची सक्तमजुरीची शिक्षा‎ आणि एक हजार रुपये दंडाची‎ शिक्षा जिल्हा व सत्र न्‍यायाधीश‎ के. आर. चौधरी यांनी सोमवारी‎ (३ एप्रिल) रोजी ठोठावली.‎ मासिक पाळी न आल्याने‎ वैद्यकीय उपचारादरम्यान‎ अल्पवयीन पीडिता गर्भवती‎ असल्याचे पुढे आले होते. १३‎ ऑक्टोबर २०१९ रोजी नराधमाने‎ दिलेल्या खोट्या फिर्यादीवरून‎ अज्ञात आरोपीविरोधात‎ दौलताबाद पोलिस ठाण्‍यात गुन्‍हा‎ दाखल करण्‍यात आला.‎ तपासादरम्यान आपण फसणार‎ याची कुणकुण लागल्यावर त्‍याने‎ पीडितेच्‍या आईसह रुग्णालयातून‎ पळ काढला होता. डीएनए‎ तपासणीत नराधम पित्याचे हे‎ दुष्कृत्य उघड झाले.‎ प्रकरणात तपास अधिकारी‎ पोलिस निरीक्षक राजश्री आडे‎ आणि उपनिरीक्षक आरिफ शेख‎ यांनी न्‍यायालयात दोषारोपपत्र‎ दाखल केले. खटल्याच्या‎ सुनावणीत सहायक‎ लोकाभियोक्ता सुदेश शिरसाठ‎ यांनी भक्कमपणे बाजू मांडली.‎