शोककळा:शेतातून घरी परतताना दुचाकीला‎ ट्रकची धडक; महिलेचा जागीच अंत‎, वेरूळ-माटेगाव चौफुलीवर झाला अपघात

सोलापूर-धुळे महामार्गावर वेरूळ-माटेगाव चौफुलीवर‎ ट्रकने मोटारसायकलला हुलकावणी दिल्याने झालेल्या‎ ‎ अपघातात मोटारसायकलवर‎ ‎ पाठीमागे बसलेली महिला ट्रकच्या‎ ‎ टायरखाली चिरडून जागीच ठार‎ ‎ झाली. माया बाबासाहेब ढिवरे (३६,‎ ‎ रा. वेरूळ) असे ठार झालेल्या‎ ‎ महिलेचे नाव आहे.

अपघातानंतर‎ ‎ ट्रकचालक फरार झाला असून‎ अपघाताची नोंद खुलताबाद पोलिस ठाण्यात घेण्यात‎ आली आहे.‎ वेरूळ येथील रहिवासी माया ढिवरे ही महिला‎ मोटारसायकलवर (एमएच २० सीबी ७८६०) पाठीमागे‎ बसून वेरूळ-माटेगाव चौफुली ओलांडून वेरूळकडे‎ येत हाेती. त्याच वेळी ट्रकने (केए ५६, १४५१)‎ मोटारसायकलला हुलकावणी दिली.

या हुलकावणीत‎ माया ढिवरे मोटारसायकलवरून थेट ट्रकच्या‎ पाठीमागच्या टायरखाली येऊन चिरडली गेली. हा‎ अपघात इतका भयानक होता की महिलेचा पूर्णपणे‎ चेंदामेंदा झाला होता.‎ अपघात होताच वेरूळचे ग्रामपंचायत सदस्य शेख‎ मासियोद्दीन आणि त्यांचे सहकारी यांनी मदत करून‎ ॲम्ब्युलन्सने शवविच्छेदनासाठी वेरूळ येथील‎ प्राथमिक आरोग्य केंद्र येथे पाठवले होते.

अपघाताची‎ माहिती मिळताच वेरूळचे पोलिस पाटील रमेश ढिवरे‎ यांनी तत्काळ खुलताबाद पोलिसांना कळवले. पोलिस‎ जमादार रितेश आव्हाड आणि विनोद बिघोत यांनी घ‎ ट्रॅफिक सुरळीत करून अपघाताचा पंचनामा केला.‎

म्हणून हाेतात‎ अपघात‎

सोलापूर-धुळे महामार्गाचा झालेला‎ उड्डाणपूल चुकीचा तयार करण्यात‎ आला आहे. याची चौकशी प्रत्यक्ष‎ विभागीय आयुक्तांसह‎ जिल्हाधिकाऱ्यांनी करावी, अशी‎ मागणी वेरूळचे ग्रामस्थ करत‎ आहेत. हा उड्डाणपूल‎ वेरूळ-माटेगाव चौफुलीच्या‎ ठिकाणी आवश्यक होता. या‎ चौफुलीवर उड्डाणपूलाची खूप गरज‎ आहे. येथे उड्डाणपूल व्हावा.‎

शहरातील‎ वैजापूर-येवला रस्त्यावर भरधाव‎ कारने दुचाकीला दिलेल्या जोरदार ‎ ‎धडकेत २० वर्षीय युवक जागीच‎ ठार झाल्याची घटना बुधवारी‎ सकाळी आठ वाजता जीवनश्री ‎ वसाहतीजवळ घडली. सुशील‎ राजेंद्र चव्हाण (२०, रा.‎ धरणग्रस्तनगर, वैजापूर) असे या‎ ‎ अपघातातील मृत‎ ‎ युवकाचे नाव‎ ‎ आहे.

याबाबत‎ ‎ मिळालेल्या‎ ‎ माहितीनुसार‎ ‎ आज सकाळी‎ ‎ सुशील हा येवला‎ रोडने दुचाकीवरून जात असताना‎ त्याच्या दुचाकीला भरधाव स्विफ्ट‎ कारने जोराची धडक दिली.‎ सुशीलला गंभीर दुखापत झाली.‎ त्याला उपस्थित नागरिकांनी‎ उपजिल्हा रुग्णालय वैजापूर येथे‎ उपचारांसाठी दाखल केले असता‎ डॉक्टरांनी त्याला तपासून मृत‎ घोषित केले. वाहनचालकाविरोधात‎ गुन्हा दाखल करण्याची कारवाई‎ करण्यात आली आहे.‎