विद्यापीठाचा खुलासा स्वीकारण्यास नकार‎:फरार बंडगरला 13 मेपर्यंतचा अल्टिमेटम; विभागीय चौकशीनंतर बडतर्फीची कारवाई ‎

विद्यापीठाच्या नाट्यशास्त्र विभागाचा सहायक‎ प्राध्यापक डॉ. अशोक बंडगर बलात्काराचा गुन्हा‎ दाखल झाल्यापासून फरार आहे. प्रत्यक्ष हजर‎ ‎ राहण्याचे आदेश असताना तो‎ ‎ विशाखा समितीकडे परस्पर खुलासे‎ ‎ पाठवत आहे. विद्यापीठाने त्याला ८‎ ‎ मे रोजी पुन्हा नोटीस पाठवली आहे.‎ ‎ सात दिवसांत हजर राहण्याचा‎ ‎ अल्टिमेटम दिला आहे, तरीही तो‎ ‎ वकील, दूतामार्फत आणि टपालाने‎ खुलासा पाठवत आहे.

असे खुलासे आम्ही अजिबात‎ गृहीत धरणार नाही, असे कुलगुरू डॉ. प्रमोद येवले‎ यांनी स्पष्ट केले आहे.‎ विद्यापीठातील नाट्यशास्त्र विभागात मास्टर‎ ऑफ परफॉर्मिंग आर्ट‌्सचे शिक्षण घेत असलेल्या‎ विद्यार्थिनीचे शोषण करणारा बंडगर आणि त्याची पत्नी‎ १३ दिवस झाले तरीही फरार आहे. विद्यापीठाने त्याला‎ दहा दिवसांत प्रत्यक्ष हजर राहून आपले म्हणणे‎ मांडण्याचे आदेश २४ एप्रिल रोजी दिले होते.

ही मुदत‎ ६ मे रोजी संपली आहे. त्यामुळे अंतर्गत तक्रार निवारण ‎ ‎ समितीच्या पीठासीन अधिकारी डॉ. अंजली राजभोज‎ यांनी पुन्हा त्याला अल्टिमेटम दिला आहे. ८ मे रोजी‎ तशी नोटीस त्याच्या घरावर चिकटवण्यात आली आहे. ‎ ‎ त्याशिवाय त्याच्या मेलवरही पाठवण्यात आली आहे. ‎तरीही तो प्रत्यक्ष हजर राहण्याऐवजी विद्यापीठ‎ प्रशासनाला लेखी खुलासा पाठवत आहे.

१ ते ४ मे‎ दरम्यान त्याने विशिष्ट दूतामार्फत खुलासा दिला. ‎ ‎ विद्यापीठाने तो खुलासा स्वीकारण्यास नकार दिला. ‎ ‎ त्यानंतर त्याने वकिलामार्फत खुलासा दिला तोही‎ घेतला नाही. टपालाने एक खुलासा पाठवला.‎ विद्यापीठाने टपालाने आलेला खुलासाही गृहीत‎ धरलेला नाही.‎

विद्यापीठ प्रशासनाला प्रतीक्षा डॉ.‎ अंजली राजभोज यांच्या अहवालाची‎ डॉ. बंडगरच्या निलंबन आदेशावर मुख्यालय न‎ सोडण्याचे आदेश देण्यात आले होते. तरीही तो‎ फरार आहे. शिवाय नाट्यशास्त्र विभागातील‎ मस्टरवर सहीही करत नाहीये. त्यामुळे आता‎ आम्हाला फक्त अंतर्गत तक्रार निवारण‎ समितीच्या अहवालाची प्रतीक्षा असल्याचे‎ कुलगुरूंनी म्हटले आहे. दुसऱ्या नोटिसीमध्ये ७‎ दिवसांची मुदत असून १३ मे रोजी ही मुदतही‎ संपणार आहे. त्यानंतर समिती एकतर्फी अहवाल‎ सादर करणार आहे. अहवाल आल्यानंतर‎ विभागीय चौकशी केली जाईल. या चौकशीत‎ दोषी आढळला तर त्याला बडतर्फ करण्यात‎ येईल, असेही कुलगुरूंनी सांगितले आहे.‎

विद्यापीठ प्रशासनाला प्रतीक्षा डॉ.‎ अंजली राजभोज यांच्या अहवालाची‎ डॉ. बंडगरच्या निलंबन आदेशावर मुख्यालय न‎ सोडण्याचे आदेश देण्यात आले होते. तरीही तो‎ फरार आहे. शिवाय नाट्यशास्त्र विभागातील‎ मस्टरवर सहीही करत नाहीये. त्यामुळे आता‎ आम्हाला फक्त अंतर्गत तक्रार निवारण‎ समितीच्या अहवालाची प्रतीक्षा असल्याचे‎ कुलगुरूंनी म्हटले आहे. दुसऱ्या नोटिसीमध्ये ७‎ दिवसांची मुदत असून १३ मे रोजी ही मुदतही‎ संपणार आहे. त्यानंतर समिती एकतर्फी अहवाल‎ सादर करणार आहे. अहवाल आल्यानंतर‎ विभागीय चौकशी केली जाईल. या चौकशीत‎ दोषी आढळला तर त्याला बडतर्फ करण्यात‎ येईल, असेही कुलगुरूंनी सांगितले आहे.‎