सावधान:16 दिवसांत 12 कोरोना पॉझिटिव्ह रुग्ण

जून महिन्यात कोरोनाच्या संसर्गाने पुन्हा हातपाय पसरायला सुरुवात केली आहे. उमरगा तालुक्यात मागील १६ दिवसात १२ कोरोना पॉझिटिव्ह रुग्ण आढळले आहेत.

जून महिन्यात मुरूम येथील ग्रामीण रुग्णालयात ९ तारखेला एक, १३ जूनला जकेकूर येथे एक, १४ जूनला मुरुम येथे एक, १५ जून रोजी शहरात एक, ग्रामीण भागात एक, १७ जूनला ३ असे एकूण ८ कोरोना पॉझिटिव्ह आढळले आहेत. बुधवारी (दि.२२) १३४ स्वॅब अहवालातून चार पॉझिटिव्ह आले आहेत. शहरात एसटी कॉलनीत एक, ग्रामीण भागात कदमापूर, वडगाव व मुरूम येथे प्रत्येकी एक असे चार कोरोना पॉझिटिव्ह आढळले आहेत. मागील १६ दिवसात १२ कोरोना पॉझिटिव्ह आढळले असून सध्या पाच रुग्ण उपचारात आहेत. त्यामुळे नागरिकांनी स्वत:सह कुटुंबाच्या सुरक्षिततेची काळजी घेणे आवश्यक आहे. कोरोना संसर्ग वाढत असल्यामुळे नागरिकांनी दक्षता घ्यावी असे आवाहन आरोग्य विभागाच्या वतीने करण्यात आले आहे.