गैरसोय:स्थगितीमुळे कळंब-येडशी राज्य‎ मार्गाचे 22 किमीचे काम प्रलंबित

मागील सात महिन्यापासून कळंब-येडशी‎ या राज्य मार्गाच्या २२ किलोमीटरच्या‎ प्रलंबित कामावर स्थगिती असल्यामुळे‎ हे काम प्रलंबित आहे. या रस्त्यावरून‎ ये-जा करणाऱ्या प्रवाशांना नाहक‎ त्रासाला सामोरे जावे लागत असून‎ आरोग्यमंत्री तथा पालकमंत्री प्रा. डॉ‎ तानाजी सावंत यांनी याकडे लक्ष देऊन‎ स्थगिती उठवावी, अशी मागणी जोर‎ धरत आहे.‎ कळंब शहरातून जिल्ह्याला जाणारा‎ सर्वात जवळचा मार्ग म्हणजे कळंब-‎ मोहा- येडशी- धाराशिव हा असून याची‎ लांबी ४६ किलोमीटर आहे. कळंब‎ मोहा-येडशी हा रस्ता कळंब तालुका‎ मुख्यालय ते धाराशिव जिल्हा‎ मुख्यालयाशी जोडणारा महत्वाचा रस्ता‎ आहे. या रस्त्यावर तांदुळवाडी, शेळका‎ धानोरा, मोहा, हाळदगांव, सातेफळ,‎ शेलगाव व इतर गावे जोडली जातात.‎ तसेच या रस्त्यालगत मोठ्या प्रमाणात‎ उसाचे क्षेत्र असल्यामुळे अधिक‎ प्रमाणातच ऊस वाहतूक होत आहे.‎ सध्या रस्ता नादुरुस्त असल्यामुळे‎ वाहतुकीस अडचण निर्माण होत आहे.‎ यामुळे नागरिकांतून संताप व्यक्त होत‎ आहे. मागील वर्षांपासून कळंब‎ मोहा-येडशी या ३ किलोमीटर रस्त्याच्या‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ दुरुस्तीचे काम होणार आहे, असे‎ सांगण्यात येत होते.

कोरोना काळात तीन‎ ते चार कामे मंजूर झाली आहेत. परंतु,‎ २०२२ मध्ये सत्तांतर झाल्यानंतर देण्यात‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ आलेल्या स्थगितीमध्ये अडकल्यामुळे‎ ही मंजूर कामे सुद्धा प्रत्यक्षात येऊ‎ शकली नाहीत. कळंब मोहा-येडशी‎ कामही यापैकीच आहे. स्थगिती तत्काळ‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ उठवून या रस्त्याची मंजूर असलेली सर्व‎ कामे सुरू करावीत, अशी मागणी‎ नागरिक व वाहनधारकांकडून जोर धरू‎ लागली आहे.‎

खड्ड्यांमुळे प्रवास खडतर‎
कळंब -येडशी राज्य मार्गाच्या अनेक ठिकाणी मोठ्या प्रमाणात‎ खड्डे पडले आहेत. या रस्त्यावरून प्रवास करणे म्हणजे अवघड‎ झाले आहे. येथून नियमित प्रवास करणाऱ्यांची वाहने‎ खिळखिळी झाली आहेत. तसेच लहान-मोठे अपघात होऊन‎ अनेकजण जखमी झाले आहेत. तसेच काहीजण दुचाकीवरून‎ जातात. त्यावेळी दुचाकी घसरून अनेकवेळा अपघात होतात.‎ यामुळे तातडीने रस्ता दुरूस्त करण्याची गरज आहे.‎

क्राँक्रिटीकरण अपूर्ण‎
कळंब, मोहा, येडशी रस्ता हा राज्यमार्ग क्र. २४१ आहे.‎ याची एकूण लांबी ३० किलोमीटर ५०० मीटर इतकी आहे.‎ जून २०१९ च्या अर्थसंकल्पामध्ये एकूण ५ किलोमीटर ७००‎ मीटर लांबीचे डांबरी व ३५५ मीटर लांबीमध्ये काँक्रीट रस्ता‎ करणे मंजूर आहे. सद्यःस्थितीत डांबरीकरणाचे व सिमेंट‎ काँक्रीट रस्त्याचे काम पूर्ण झालेे आहे. यामुळे येथून वाहन‎ चालवणे अशक्य होत आहे.‎

२२ किलोमीटरच्या‎ कामालाही मंजूरी‎
मार्च २०२२ चा अर्थसंकल्प व विशेष‎ दुरुस्ती कार्यक्रम २०२१-२२ मध्ये‎ अंतर्गत उर्वरित २२ किलोमीटरमधील‎ रस्ते डांबरीकरण व काँक्रीट रस्त्याला‎ प्रशासकीय मंजूर देण्यात आली आहे.‎ परंतु, या कामासही स्थगिती देण्यात‎ आलेली आहे. याची स्थगिती तत्काळ‎ उठवण्यात यावी अशी मागणी‎ नागरिकांमधून होत आहे.‎