आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संघांमध्ये रस्सीखेच:96 संघ रस्सीखेच; शिवनेरी‎ चषक क्रिकेट स्पर्धेत रंगत‎

उमरगा‎24 दिवसांपूर्वी
  • कॉपी लिंक

शहरात आयोजित शिवनेरी चषक‎ क्रिकेट स्पर्धेत ९६ राज्यभरातील ९६‎ संघांमध्ये रस्सीखेच आहे. येथील‎ श्री छत्रपती शिवाजी‎ महाविद्यालयाच्या प्रांगणावर मागील‎ २० दिवसांपासून सुरू असलेली ही‎ स्पर्धा अंतिम टप्प्यात आली आहे.‎ मागील आठ वर्षांपासून शिवनेरी‎ प्रतिष्ठानच्या माध्यमातून युवा नेते‎ किरण गायकवाड ही स्पर्धा घेत‎ आहेत. बक्षिसांची रक्कम लाखोंच्या‎ घरात असल्याने मुंबई, पुणे,‎ कलबुर्गी, सोलापूर, लातूरसह बाहेर‎ राज्यातील दिग्गज खेळाडू असलेले‎ संघ शिवनेरी चषक क्रिकेट स्पर्धा‎ सहभागी झाले आहेत.

विजेत्या‎ संघासह उत्कृष्ट संघ व खेळाडूंना‎ पावणेसात लाखांहून अधिक‎ रुपयांचे बक्षिस ठेवण्यात आले‎ आहे. राज्यस्तरीय प्रथम येणाऱ्या‎ संघास दोन लाख ५० हजार आणि‎ तालुकास्तरातून प्रथम येणाऱ्या‎ संघाला एक लाख ११ हजार रुपयांचे‎ पारितोषिक आणि शिवनेरी चषक‎ देवून सन्मानित करणार. राज्यस्तरीय‎ द्वितीय बक्षीस एक लाख ५१ हजार‎ आणि ग्रामीण द्वितीय बक्षीस ७१‎ हजार रुपयांचे आहे. सर्वोत्तम‎ खेळाडूला दोन्ही गटातून प्रत्येकी २५‎ हजार रुपयांचे बक्षीस देण्यात येणार‎ आहे. सोबतच सर्वोत्कृष्ट फलंदाज,‎ गोलंदाज यांनाही बक्षिसे दिली‎ जाणार आहेत.

या स्पर्धेचे प्रमुख‎ संयोजक सागर शिंदे, डॉ. सुजित‎ पाटील, बापूराव गायकवाड आहेत.‎ स्पर्धा यशस्वी करण्यासाठी योगेश‎ तपसाळे, साई विभुते, ज्ञानेश्वर‎ सांगवे, ओम जगताप, शरद पवार,‎ सचिन जाधव, हैदर शेख यांच्यासह‎ पदाधिकारी व सदस्य परिश्रम घेत‎ आहेत. शिवनेरी चषकाचे‎ पारितोषिक वितरण शनिवारी‎ (दि.७) होणार आहे. १५ हजार‎ क्रिकेटप्रेमींना स्पर्धेचा आनंद‎ घेण्यासाठी निवाऱ्यासह विविध‎ सुविधा उपलब्ध केली आहे.‎

बातम्या आणखी आहेत...