वैश्विक धार्मिक केंद्र:तुळजापूरच्या विकासासाठी एक हजार‎ कोटी रुपयांचा विकास आराखडा तयार‎

तुळजाभवानी मातेचे तीर्थक्षेत्र वैश्विक,‎ धार्मिक पर्यटन स्थळ म्हणून विकसित‎ करण्यासाठी वास्तुविशारद सल्लागारांनी‎ पहिल्या टप्प्यात एक हजार कोटी‎ रुपयांचा प्रारूप आराखडा तयार केला‎ आहे. ज्येष्ठ सनदी अधिकारी राधेश्याम‎ मोपलवार यांच्या प्रमुख उपस्थितीत या‎ प्रारूप आराखड्यावर चर्चा झाली.‎ आगामी पाच वर्षात मातेच्या‎ दर्शनासाठी येणाऱ्या भाविकांची संख्येत‎ अधिक वाढ होणार आहे. त्याअनुषंगाने‎ पायाभूत सुविधांसह भाविक-भक्तांची‎ गैरसोय टाळण्यासाठी उपाययोजना‎ आवश्यक आहेत. या सर्व बाबींचा‎ विचार करून विकास आरखडा तयार‎ करण्यासाठी राज्य सरकारच्या पुरातत्व‎ विभागाच्या सहकार्याने स्ट्रक्टवेल‎ डिझायनर्स अँड कन्सल्टंट प्रायव्हेट‎ लिमिटेड या वास्तुविशारद सल्लागाराची‎ नेमणूक करण्यात आली आहे.

त्यांनी‎ पहिल्या टप्प्याच्या कामात ऑनलाइन‎ बुकिंग केलेल्या भाविकांना नियोजित‎ वेळेत दर्शन घेता येणार असून त्यांना‎ थांबण्यासाठी आधुनिक सोयी-सुविधांनी‎ युक्त दोन प्रतीक्षालये बांधण्याची सूचना‎ केली. यामध्ये दुकाने, शौचालये, टीव्ही‎ स्क्रीन, सामान ठेवण्यासाठी लॉकर्स‎ अशा सुविधा असेल. प्रत्यक्ष प्रवेशाच्या‎ ठिकाणी या व्यतिरिक्त दर्शन मंडप‎ प्रस्तावित करण्यात आले.

यात मोबाइल‎ व पादत्राणे ठेवण्याची सुविधा,‎मंदिरापर्यंत जाण्यासाठी चढउतार‎ करण्यास सोयीस्कर असलेला ७५०‎ मीटर लांबीचा ‘रॅम्प’ उभारण्यात येणार‎ आहे. यात आपत्कालीन मार्ग व दोन‎ लिफ्ट समाविष्ट आहेत. दहा हजार‎ भाविक क्षमतेचा भव्य दर्शन मंडप‎ प्रस्तावित करण्यात आला आहे. या‎ विकास आराखड्यानुसार काम पूर्ण‎ करण्यात येणार आहे. यानंतर तुळजापूर‎ येथे देशातील इतर नामवंत तीर्थस्थळी‎ उपलब्ध सुविधा निर्माण होणार आहे.‎ यामुळे तीर्थक्षेत्र तुळजापूर हे वैश्विक‎ धार्मिक स्थळ म्हणून विकसित होणार‎ असून देश-विदेशातून येणाऱ्या‎ भाविकांची संख्याही वाढणार आहे.‎

भक्तांची होणारी काहिली‎ थांबवणे आवश्यक‎
प्रशासनाकडून तुळजापूर देवस्थान‎ आणि शहराचा विकास करण्यासाठी‎ एकत्रित आराखडा तयार करण्यात येत‎ आहे. त्यावर पहिल्या टप्प्याचा प्रारूप‎ आराखडाही तयार आहे. सध्या‎ उन्हामुळे भक्तांची काहिली होत आहे.‎ त्यामुळे प्रवेशद्वाराबाहेरही काही सुविधा‎ द्यावी.‎ या सुविधेचाही आराखड्यात‎ समावेशाची मागणी होत आहे.‎

दहा एकरात साकारणार‎ शिल्प, वस्तू संग्रहालय
‎ दहा एकर जागेत आई भवानी छत्रपती‎ शिवाजी महाराजांना भवानी तलवार‎ देतानाचे शिल्प व वस्तू संग्रहालय‎ उभारण्याचे प्रस्तावित केले. या पूर्ण‎ जागेत बागबगिचा आणि ‘लाइट अॅन्ड‎ साउंड शो‘ विकसित करून आकर्षक‎ सौंदर्यीकरण करण्यात येणार आहे. चार‎ प्रमुख रस्त्यांवर भव्य कमानी व मंदिर‎ रस्त्यावर तीन कमानी प्रस्तावित आहेत.‎

केंद्र व राज्य सरकारसह‎ सीएसआर फंडातून निधी
‎ जेजुरी देवस्थानच्या धर्तीवर पहिल्या‎ टप्प्यातील एक हजार कोटींचा विकास‎ आराखडा अंतिम करून परिपूर्ण प्रस्ताव‎ नियोजन विभागाला सादर होणार. केंद्र व‎ राज्य सरकारसह सीएसआर फंडातून‎ निधीसाठी प्रयत्न राहणार , असे आमदार‎ राणा पाटील यांनी सांगितले. बैठकीत‎‎ राधेश्याम मोपलवार, जिल्हाधिकारी‎ स्ट्रक्टवेलचे संचालक उपस्थित होते.‎