स्नेहसंमेलन:सह्याद्री इंटरनॅशनल स्कूल‎ येथे स्नेहसंमेलन उत्साहात‎‎

कुलस्वामिनी शिक्षण प्रसारक मंडळ‎ संचलित सह्याद्री इंटरनॅशनल स्कूल‎ आणि सेव्हन वंडर्स प्रि- स्कूल‎ धाराशिव येथे वार्षिक‎ स्नेहसंमेलनाचा कार्यक्रम आयोजित‎ करण्यात आला होता. या‎ कार्यक्रमासाठी अध्यक्ष म्हणून‎ कुलस्वामिनी शिक्षण प्रसारक‎ मंडळाचे संस्थापक सचिव‎ प्रा.डॉ.रमेश दापके देशमुख यांची‎ उपस्थिती होती.‎

या कार्यक्रमासाठी प्रमुख पाहुणे‎ म्हणून नगरसेवक नादेरउल्लाह‎ हुसैनी , हजरत शम्सोद्दीन गाजी(‎ रहे) वेलफेअर सोसायटी ,‎ ॲड.अजित खोत, फिरोज पल्ला‎ अंजुमन वेलफेअर सोसायटी,डॉ‎ दिग्गज दापके देशमुख डॉ.वसुधा‎ दिग्गज दापके देशमुख यांची व‎ इतरांची उपस्थिती होती.‎ कार्यक्रमाचे प्रास्ताविक शाळेच्या‎ मुख्याध्यापिका आशा इंगळे यांनी‎ केले. यावेळी शाळेमध्ये वर्षभरात‎ घेण्यात येणाऱ्या विविध स्पर्धा‎ आणि परीक्षांचे बक्षीस वितरण‎ करण्यात आले.‎

या कार्यक्रमात सर्व विद्यार्थ्यांनी‎ सहभाग नोंदविला होता. यामध्ये‎ त्यांनी पारंपारिक नृत्य , दिंडी नृत्य,‎ पंजाबी नृत्य ,गोंधळीनृत्य,‎ देशभक्तीपर नृत्य अशा विविध‎ प्रकारच्या नृत्यांचा कलाविष्कार‎ सादर केला. यावेळी इ.८ वी मधील‎ विद्यार्थ्यांनी सादर केलेल्या गणेश‎ वंदना पर गीताने कार्यक्रमाची‎ सुरुवात झाली. यानंतर विद्यार्थ्यांनी‎ पारंपारिक नृत्य, लोकनृत्य ,दिंडी‎ नृत्य, पंजाबी नृत्य, गोंधळी नृत्य ,‎ देशभक्तीपर नृत्य, बालगीतपर नृत्य‎ अशा विविध प्रकारच्या नृत्यांचा‎ कलाविष्कार सादर केला. यावेळी‎ इ.तिसरीच्या विद्यार्थ्यांनी सादर‎ केलेल्या दिंडी नृत्याने प्रेक्षकांचे मन‎ वेधून घेतले. या कार्यक्रमासाठी सर्व‎ शिक्षक, शिक्षकेतर कर्मचारी‎ विद्यार्थी उपस्थित होते. या‎ कार्यक्रमाचे सूत्रसंचालन‎ सहशिक्षिका मनीषा खांडेकर आणि‎ पूजा भोयटे यांनी तर आभारप्रदर्शन‎ प्रियंका कुदळे यांनी केले.‎