प्रतिपादन‎:क्रीडा मैदानांच्या विकासासाठी‎ तीन कोटींचा प्रस्ताव तयार‎; उदघाटनप्रसंगी आ. कैलास पाटील यांचे प्रतिपादन‎

तालुका क्रीडा मैदानाच्या‎ विकासासाठी तीन कोटीचा प्रस्ताव‎ तयार करण्यात आला असून या‎ निधी मंजूर करण्यासाठी प्रयत्न‎ करणार असल्याचे प्रतिपादन‎ आमदार कैलास घाडगे पाटील यांनी‎ केले.‎ महाराष्ट्र शासन क्रीडा व युवक‎ सेवा संचालनालय, महाराष्ट्र राज्य,‎ पुणे जिल्हा क्रीडा परिषद व जिल्हा‎ क्रीडा अधिकारी कार्यालय यांच्या‎ संयुक्त विद्यमाने कळंब क्रिडा‎ मैदानावर राज्य स्तर शालेय‎ आट्यापाट्या क्रीडा स्पर्धाचे‎ आयोजन करण्यात आले आहे.‎

यावेळी व्यासपीठावर आमदार‎ कैलास घाडगे पाटील, तहसीलदार‎ मनिषा मेने, जिल्हा क्रीडा अधिकारी‎ श्रीकांत हरनाळे, प्राथमिक शिक्षक‎ महासंघाचे राष्ट्रीय उपाध्यक्ष‎ बाळकृष्ण तांबारे, तुळजापूर तालुका‎ क्रीडा अधिकारी सारीका काळे,‎ नगर पालिका मुख्याधिकारी शैला‎ डाके, नायब तहसीलदार मुस्तफा‎ खोंदे, उस्मानाबाद जिल्हा आट्या‎ पाट्या संघटनेचे अध्यक्ष राजकुमार‎ सोमवंशी, लक्ष्मण मोहिते, घूले,‎ तालुका क्रीडा अधिकारी कैलास‎ लटके, क्रिडा अधिकारी नदीम‎ शेख, सोलापूर जिल्हा आट्या‎ पाट्या संघटनेचे अध्यक्ष बाबासाहेब‎ कापसे, युवासेना शिवसेना (ठाकरे‎ गट) युवा सेना उपजिल्हाप्रमुख‎ सागर बाराते, उपतालुकाप्रमुख‎ भारत सांगळे शहरप्रमुख प्रदिप मेटे‎ आदी उपस्थित होते.‎

यावेळी पुढे बोलताना आमदार‎ कैलास घाडगे पाटील म्हणाले की,‎ कळंब तालुक्याने आट्या पाट्या‎ खेळाला देशपातळीवर खेळाडू‎ दिले आहेत, सलग चार वर्ष कळंब‎ तालुक्यात राज्यस्तरीय शालेय‎ आट्यापाट्या क्रीडा स्पर्धा घेण्याचा‎ बहुमान मिळवला आहे. आणि‎ प्रत्येक वर्षी चांगल्या पद्धतीने स्पर्धा‎ घेतल्या आहेत.

कळंब येथे क्रिडा‎ संकुलाची दुरावस्था झाली होती.‎ तालुका क्रीडा अधिकारी व रोटरी‎ क्लब ऑफ कळंब सिटीने या क्रिडा‎ संकुलाचा कायापालट केला आहे‎ आणि याच मैदानावर आता राज्य‎ स्तर शालेय आट्यापाट्या क्रीडा‎ स्पर्धा होत आहेत, ही कौतुकास्पद‎ बाब आहे.‎ या स्पर्धांमध्ये कुठल्याही गोष्टीची‎ कमी पडू देणार नाही असे प्रतिपादन‎ आमदार कैलास घाडगे पाटील यांनी‎ केले. यावेळी सूत्रसंचलन परमेश्वर‎ मोरे यांनी केले.‎