मतदार नोंदणी शिबिर‎:राज्यघटनेद्वारा प्रत्येकाला हक्क,‎ मतदान करुन कर्तव्य बजावावे‎

‎ भारतीय राज्यघटनेने प्रत्येक नागरिकाला ‎ मतदानाचा हक्क दिला आहे. त्यामुळे सर्व ‎मतदारांनी मतदान करून आपले कर्तव्य‎ बजावले पाहिजे, असे मत येथील तहसीलदार ‎रेणुकादास देवणीकर यांनी व्यक्त केले. परंडा ‎येथील रा. गे. शिंदे महाविद्यालयात आयोजित ‎ ‎ मतदार नोंदणी शिबिरात ते बोलत होते.‎ याप्रसंगी बीएलओ भाऊसाहेब सूर्यवंशी यांनी ‎अर्ज कसा भरावा, कोणता अर्ज भरावा व ‎अर्जासोबत कोणती कागदपत्र जोडावीत, अशा ‎ ‎ विविध मतदान नोंदणी प्रक्रियेसंबंधी सविस्तर ‎ ‎ मार्गदर्शन केले. परंडा येथील गुरुवर्य रा. गे. शिंदे ‎महाविद्यालयात परंडा तहसील विभाग व‎ महाविद्यालयाच्या संयुक्त विद्यमाने मतदान‎ नोंदणी शिबिर आयोजित करण्यात आले होते.‎

कार्यक्रमासाठी प्राचार्य डॉ. सुनिल जाधव, डॉ.‎ हरिश्चंद्र गायकवाड, प्रा. डॉ. शहाजी चंदनशिवे,‎ प्रा. अमर गोरेपाटील, बीएलओ भाऊसाहेब‎ ‎ सूर्यवंशी आदी उपस्थित होते.‎महाविद्यालयातील वरिष्ठ विभागाचे विद्यार्थी,‎ विद्यार्थिनी उपस्थित होते. शिबिराच्या‎ यशस्वितेसाठी कॉलेजचे प्राध्यापक व शिक्षकेतर‎ कर्मचारी यांनी सहकार्य केले. प्रा. डॉ. सचिन‎ चव्हाण यांनी आभार मानले.‎

वर्षातून चारदा नोंदणीची संधी‎
देवणीकर म्हणाले की, केंद्रीय निवडणूक‎ आयोगामार्फत लोकप्रतिनिधित्व अधिनियमात‎ सुधारणेनुसार १८ वर्षे पूर्ण होणाऱ्या विद्यार्थ्यांना‎ वर्षातून चार वेळा मतदार नोंदणीची संधी‎ मिळणार आहे. मतदान केंद्रस्तरीय अधिकारी‎ विद्यार्थ्यांना फॉर्म भरण्यासाठी मार्गदर्शन‎ करणार आहेत. ही सातत्याने चालणारी प्रक्रिया‎ आहे. त्यामुळे अठरा वर्षे पूर्ण झालेल्या सर्व‎ विद्यार्थ्यांनी फॉर्म भरून घ्यावेत. सहभाग‎ नोंदवून निवडणूक प्रक्रिया पारदर्शकरित्या पार‎ पाडण्यासाठी सहकार्य करावे.‎