कारवाई:जिल्ह्यात पाच ठिकाणी कारवाई,‎ 74 हजार रुपयांचे अवैध मद्य जप्त‎

अवैध मद्यविरोधी कारवाई दरम्यान‎ धाराशिव पोलिसांनी १० मार्चला‎ जिल्हाभरात एकुण पाच कारवाया‎ केल्या. यात घटनास्थळावर‎ आढळलेला गावठी दारू निर्मितीचा‎ ६०० लिटर आंबवलेला द्रवपदार्थ‎ जागीच ओतून नष्ट करण्यात‎ आला. ५५ लिटर गावठी दारू,‎ देशी-विदेशी दारूच्या ११५ बाटल्या,‎ असे मद्य जप्त केले. नष्ट केलेल्या‎ द्रवपदार्थासह जप्त केलेल्या मद्याची‎ अंदाजे किंमत ७४,७१५ रुपये आहे.‎ याप्रकरणी पोलिसांनी अवैध मद्य‎ जप्त करून संबंधित पोलिस‎ ठाण्यात पाच गुन्हे नोंदवले आहेत.‎ वाशी पोलिस ठाण्याच्या‎ पथकाला सरमकुंडी येथील‎ समाधान काळे हे पावणेसात‎ वाजेच्या सुमारास राहत्या घरासमोर‎ ४० लिटर गावठी दारूसह ६००‎ लिटर आंबलेला द्रवपदार्थ अवैध‎ विक्रीच्या उद्देशाने बाळगलेले‎ आढळले.

धाराशिव शहर पोलिस‎ ठाण्याच्या पथकास शेकापूर येथील‎ कैलास पिसे रात्री ९ वाजेच्या‎ सुमारास हॉटेल जगदंब येथे‎ देशी-विदेशी दारूच्या ६७ सीलबंद‎ बाटल्या अवैध विक्रीच्या उद्देशाने‎ बाळगलेले आढळले. लोहारा‎ पोलिस ठाण्याच्या पथकाला लोहारा‎ येथील इस्माइल शेख, राजेश‎ गुनेवार रात्री सव्वानऊ वाजेच्या‎ सुमारास शिवकरपाटी जवळ‎ हिप्परगा (खा) येथे देशी-विदेशी‎ दारूच्या ४८ सीलबंद बाटल्या‎ अवैध विक्रीच्या उद्देशाने बाळगलेले‎ आढळले. उमरगा पोलिस‎ ठाण्याच्या पथकास शास्त्रीनगर‎ येथील दिगंबर राठोड सायंकाळी‎ ७.२० वाजेच्या सुमारास विश्वा‎ बियर बारच्या बाजुला‎ पानटपरीसमोर १५ लिटर गावठी‎ दारू अवैध विक्रीच्या उद्देशाने‎ बाळगलेले आढळले. नळदुर्ग‎ पोलिस ठाण्याच्या पथकास चिकुंद्रा‎ (ता. तुळजापूर) येथील चंद्रकांत‎ गायकवाड हे अडीच वाजेच्या‎ सुमारास ग्रामपंचायतीजवळ‎ देशी-विदेशी दारूच्या १५,२७५‎ रुपयांच्या सीलबंद बाटल्या अवैध‎ विक्रीच्या उद्देशाने बाळगलेले‎ आढळले.‎