शिक्षणासाठी मदत‎:कीर्तन महोत्सवातील दानातून‎ 10 मुलींच्या शिक्षणासाठी मदत‎

कीर्तन महोत्सवातून दान म्हणून आलेल्या रकमेतून‎ वैराग्य महामेरू वारकरी शिक्षण संस्थेच्या वतीने‎ रघनुंदन महाराज पुजारी यांच्या पुढाकारातून तेर व‎ परिसरातील गरीब, गरजू व पित्याचे छत्र हरवलेल्या‎ १० मुलींच्या शिक्षणासाठी ६५ हजार रुपयांची मदत‎ देण्यात आली.‎ तेर येथे वैराग्य महामेरू वारकरी शिक्षण संस्थेच्या‎ वतीने भागवत कथा ज्ञानयज्ञ व कीर्तन महोत्सव‎ घेण्यात आला. या महोत्सवात भाविकांनी भरभरून‎ दान दिले. या महोत्सवाच्या समारोपप्रसंगी दानातून‎ शिल्लक राहिलेल्या रकमेतून तेर व गरजू मुलांच्या‎ शिक्षणासाठी मदत करण्यात आली.

यातून दहा गरजू‎ मुलींच्या शिक्षणासाठी मदत करण्यात आली. दिवंगत‎ विजय नाईकवाडी यांच्या ज्ञानेश्वरी, ईश्वरी व सानू‎ या तीन मुलींना मदत देण्यात आली. तसेच कोरोनात‎ वडिलांचे छत्र हरवलेल्या वर्षा दत्ता बनसोडे या‎ अभियांत्रिकीचे शिक्षण घेणाऱ्या मुलीलाही मदत‎ देण्यात आली. प्रणाली पवन गोरे, दुर्गा लोभाजी‎ बगाडे, सुनिता शंकर पेठे यांनाही मदत करण्यात‎ आली. प्रज्ञा भागवत भक्ते, नगमा मोहम्मद मुंडे व‎ भिकार सारोळा येथील सुलताना अमीन शेख या‎ गरजू मुलीला शिक्षणासाठी मदत करण्यात आली.‎