अपघात:तिघांना ओम्नीची धडक; एक ठार, दोन जखमी

हिंगोली जिल्ह्यातील सोनेगाव येथील अश्रुबा गुंजाळकर, कैलास किसन सोळंके व सतीश संतोष सोळंके (१९) शुक्रवारी (दि.९) सायंकाळी सात वाजता डिकसळ येथील बाबा पेट्रोल पंपाजवळील रस्त्यावर उभे होते.

यावेळी वाहन (क्रं.एमएच २२, यु-५८९०) च्या चालकाने तिघांना मागून जोरदार धडक दिली. या धडकेत सतीश सोळंके यांचा मृत्यू झाला. तर अन्य दोन जण जखमी झाले. या अपघातानंतर वाहन चालक तेथून वाहनासह पसार झाला. या प्रकरणी गुंजाळकर यांनी वैद्यकीय उपचार घेत असताना दिलेल्या लेखी निवेदनावरुन कळंब पोलिसाच्या वतीने पोलिस ठाण्यात गुन्हा दाखल करण्यात आला आहे.