आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

नेमणूक‎ ‎:विद्यार्थ्यांना शिकवण्यासाठी‎ दोन स्वयंसेवकांची नेमणूक‎‎

शीतलकुमार घोंगडे | कळंब24 दिवसांपूर्वी
  • कॉपी लिंक

तालुक्यातील वाकडी (केज) येथील जिल्हा परिषद‎ शाळेला दोन शिक्षकांची पदे मंजूर असूनही ती रिक्त‎ होती. तीन शिक्षकांवर सातवी पर्यंतच्या वर्गाचा ताण‎ होता. त्यामुळे नवीन शिक्षक येण्याची वाट पहात बघता‎ गावकऱ्यांनी एकत्रित येत लोकवर्गणीतून सव्वा लाख‎ रुपये जमा केले. विद्यार्थ्यांना शिकवण्यासाठी दोन‎ स्वयंसेवकांची पगारी नेमणूक केली. विद्यार्थ्यांचे‎ नुकसान होऊ नये म्हणून चांगले शिक्षण देत सर्वांसमोर‎ एक आदर्श घालून दिला.‎ या गावात अगोदर सातवीपर्यंत शाळा होती. पटसंख्या‎ कमी झाल्याने वर्ग कमी झाले.

शाळेत नव्याने आलेल्या‎ शिक्षकांनी पालकांना समजावून सांगत गावाची शाळा‎ कशी महत्वाची हे सांगितले. त्यामुळे पुन्हा पटसंख्या‎ वाढली. पुन्हा सातवीपर्यंत वर्ग मंजूर झाले. सध्या‎ शाळेची पटसंख्या १०४ आहे. त्यासाठी तीनच शिक्षक‎ होते. दोन शिक्षकांची पदे रिक्त होती. तीन शिक्षकांना‎ विद्यार्थ्यांना शिकवताना अडचणी येत होती. मुलांच्या‎ शिक्षणाचा प्रश्न गंभीर असल्याने पालकांना चिंता होती.‎ पालकांनी पुन्हा मुलांना तालुक्याच्या शाळेत‎ घालण्यासाठी शिक्षकांकडे टीसी मागण्यास सुरुवात‎ केल्याने शाळा व शिक्षक अडचणीत आले.‎ सात महिन्यापासून मानधन सुरु‎ जून पासून हा लोकवर्गणीतून शिक्षिकांनी मानधन दिले‎ जात आहे. शिक्षकांची संख्या वाढल्यामुळे विद्यार्थ्यांना‎ चांगले शिक्षण मिळू लागले. वाकडी (केज) गावाने‎ गावातील शाळा सुरू रहावी आणि चांगले शिक्षण‎ मिळावे म्हणून सर्वांसमोर एक चांगल आदर्श घालून‎ दिला आहे.‎

लोकवर्गणीतून मानधन‎
शिक्षकांनी पुढाकार घेत पालकांची‎ समजूत काढली. तसेच नवीन शिक्षक‎ येईपर्यंत गावातील उच्च शिक्षित दोन‎ स्वयंसेवकांची नेमणूक करण्याचे‎ सुचविले. स्वयंसेवकांचे मानधन‎ लोकवर्गणीतून देण्याची सुचना केली.‎ गावकरी, शालेय शिक्षण कमिटीचे,‎ माजी विद्यार्थ्यांनी लोकवर्गणी देण्याचे‎ ठरवले. ही माहिती ग्रामपंचायतच्या‎ व्हॉट्स अॅप ग्रुपवर टाकली. काही‎ दिवसांमध्येच नागरिकांनी यास उत्स्फुर्त‎ प्रतिसाद देत सव्वा लाख रुपये जमा‎ केले. त्यानुसार गावातील दोन उच्च‎ शिक्षित महिलांची स्वयंसेवक म्हणून‎ शाळेत नेमणूक केली. त्यांना महिन्याला‎ पाच हजार रुपये मानधनही सुरु केले.‎

बातम्या आणखी आहेत...