शिबिर‎:मलंग विद्यालयातील दहावी‎ विद्यार्थ्यांना मार्गदर्शनासाठी शिबिर‎

शहरातील शरणप्पा मलंग‎ विद्यालयात इयत्ता दहावी वर्गातील‎ विद्यार्थ्यांना विषयानुरूप मार्गदर्शन‎ होण्यासाठी मंगळवार (३१) पासून‎ विषय तज्ञ शिक्षकांच्या शिबिराचे‎ आयोजन करण्यात आले आहे.‎ शिक्षण हे माणसाला जीवन‎ जगण्याची प्रेरणा देते. निश्चित‎ केलेले ध्येय जिद्द आणि चिकाटीच्या‎ बळावर प्राप्त करता येतात त्यासाठी‎ कठीण परिस्थितीवर मात करण्याची‎ क्षमता ज्यांच्यात आहे तेच जीवनात‎ यशस्वी होतात. दहावीच्या या‎ परिक्षेला सामोरे जाताना विद्यार्थ्यांना‎ सर्व विषयांचे सखोल ज्ञान‎ होण्यासाठी तालुक्यातील‎ विषयतज्ञांचे मार्गदर्शन व्हावे यासाठी‎ शिबिराचे आयोजन केल्याचे‎ मुख्याध्यापक अजित गोबारे यांनी‎ सांगितले.‎

मार्गदर्शन शिबिराची सुरुवात जय‎‎‎‎‎‎‎‎‎‎‎ स्वामीनारायण विद्यालय समुद्राळ‎ येथील हिंदी विषयाचे तज्ञ‎ सहशिक्षक नरसिंग सुरवसे यांनी‎ विद्यार्थ्यांना दहावी बोर्ड परीक्षेला‎ यशस्वी पणे सामोरे जाण्यासाठी व‎ हिंदी विषयांमध्ये सर्वोत्तम गुण‎ घेण्यासाठी कसा अभ्यास करावा‎ याबाबत मार्गदर्शन केले तर संस्कृत‎ विषयाचे मार्गदर्शन आदर्श‎ विद्यालयाच्या शिक्षिका निलिमा‎ इनामदार यांनी केले.‎

संस्कृत विषयांत शंभर टक्के गुण‎ मिळविले पाहिजे यासाठी‎‎‎‎‎‎‎‎‎‎‎ विद्यार्थ्यांनी केवळ पाठांतरावर भर न‎ देता संपूर्ण अभ्यासक्रम समजून‎ घेऊन त्याचे आकलन करून घ्यावे‎ व अचूक प्रश्नांची उत्तरे लिहावीत‎ असे सांगितले. दोन ही विषय‎ शिक्षकांचा मुख्याध्यापकांच्या हस्ते‎ सत्कार करण्यात आला. यावेळी‎ विषय शिक्षक सतिश कटके आणि‎ परमेश्वर कोळी व दहावीचे विद्यार्थी‎ उपस्थित होते.‎ दहावी नंतर मुलांच्या करिअरच्या‎ दिशा बदलतात. ‎त्यामुळे त्यांना अशा‎ मार्गदर्शनाचा उपयोग होतो.‎