मागणी‎:दिव्यांग, गंभीर आजार दाखवून बदली‎ मिळवलेल्या शिक्षकांची तपासणी करा‎

जिल्ह्यात प्राथमिक शिक्षकांच्या‎ आॅनलाइन बदली प्रक्रियेत अनेक‎ शिक्षकांनी दिव्यांग व गंभीर आजार‎ असल्याचे दाखवून संवर्ग-१ मध्ये‎ समावेश करुन घेतला व त्यातील‎ अनेक शिक्षकांनी बदलीमधून सूट‎ घेतली तर काही शिक्षकांनी प्रथम‎ पसंतीक्रम घेऊन सोयीच्या ठिकाणी‎ बदली करुन घेतली असून, अशा‎ संवर्ग १ मधून बदली करुन‎ घेतलेल्या व बदलीतून सुट‎ घेतलेल्या शिक्षकांची वैद्यकीय‎ मंडळामार्फत तपासणी करुन बोगस‎ व दिव्यांगाची टक्केवारी वाढऊन‎ घेतलेल्या शिक्षकांवर कठोर‎ कारवाई करावी, अशी मागणी‎ जिल्ह्यातील शिक्षकांनी जिल्हा‎ परिषदेचे मुख्यकार्यकारी अधिकारी‎ राहुल गुप्ता यांच्याकडे केली आहे.‎ राज्यात ७ एप्रिल २०२१ च्या शासन‎ निर्णायानुसार जिल्हा परिषद‎ शाळेतील प्राथमिक‎ शिक्षक,प्राथमिक पदवीधर शिक्षक‎ व मुख्याध्यापक यांची जिल्हांतर्गत‎ बदली प्रक्रिया सुरु आहे. बदली‎ प्रक्रियेत शासनाने एकुण ४ संवर्ग‎ तयार केले असून, प्रत्येक संवर्गाचे‎ बदली प्रक्रियेचे निकष वेगळे आहेत.‎

यात संवर्ग १ मध्ये पक्षघाताने‎ आजारी, ४० टक्के पेक्षा जास्त‎ अपंगत्व असलेले, हदयशस्रक्रिया‎ झालेले,जन्मापासून एकच मुत्रपिंड‎ असलेले, यकृत प्रत्यारोपण झालेले,‎ कर्करोगाने आजारी शिक्षक व त्यांचे‎ जोडीदार तसेच थॅलेसेमिया‎ विकारग्रस्त मुलांचे पालक असलेले‎ शिक्षक, कुमारिका ,विधवा,‎ घटस्फोटित-परितक्त्या शिक्षक‎ यांचा समावेश आहे. या संवर्ग-१‎ मध्ये असलेल्या शिक्षकांना‎ बदलीमधून सूट आहे. म्हणजे‎ सेवानिवृत्त होईपर्यत ते एकाच‎ शाळेत राहु शकतात किंवा‎ सर्वांअगोदर पाहिजे त्या शाळेत‎ बदली मागता येते. यामुळे या‎ संवर्ग-१ मध्ये जाण्यासाठी काही‎ शिक्षकांनी गंभीर आजारी‎ असल्याचे खोटे प्रमाणपत्र दाखवून‎ लाभ घेतला आहे.

तर काही‎ शिक्षकांनी अपंगत्वाची कमी‎ टक्केवारी असताना जिल्हा‎ रुग्णालयातून ४० टक्के पेक्षा जास्त‎ अपंगत्व असल्याचे प्रमाणपत्र घेऊन‎ लाभ घेतल्याची शक्यता वर्तविण्यात‎ येत आहे. काही जणांचे प्रमाणपत्रच‎ बोगस आहे, असा दावाच‎ शिक्षकांनी निवेदनात केला आहे.‎ यामुळे खरे गंभीर आजारी किंवा‎ दिव्यांगांवर अन्याय होतो. तसेच‎ अन्य महिला शिक्षकांनाही‎ कुटुंबापासून दूर गैरसोईच्या शाळेत‎ जावे लागत आहे.

संवर्ग-२ मध्ये ३०‎ किमीपेक्षा जास्त अंतरावरीवरील‎ पती-पत्नी एकत्रिकरणासाठी आहे.‎ संवर्ग-३ अवघड क्षेत्रातील‎ शिक्षकांसाठी आहे. मात्र जिल्ह्यात‎ अवघड क्षेत्र नसल्यामुळे हा संवर्ग‎ लागू नाही. बीड जिल्हा परिषदेच्या‎ मुख्य कार्यकारी अधिकाऱ्यांनी‎ बदली प्रक्रियेत दिव्यांगाचे व गंभीर‎ आजाराचे बोगस, खोटे प्रमाणपत्र,‎ अपंगत्वाची जास्त टक्केवारी‎ दाखवून बदलीचा लाभ व सूट‎ घेतलेल्या शिक्षकांची वैद्यकीय‎ मंडळामार्फत तपासणी करुन ७८‎ शिक्षकांवर निलंबनाची कारवाई‎ केली.

आपल्या जिल्ह्यातही अशा‎ बोगस दिव्यांग व गंभीर आजारी‎ शिक्षकांचा वैद्यकीय मंडळामार्फत‎ तपासणी करुन शोध घेत कठोर‎ कारवाईची मागणी करण्यात आली‎ आहे. निवेदनावर साधन झालटे,‎ मनिषा कांबळे, बालाजी पवार,‎ सुनिता गायकवाड, अभिजीत उंबरे,‎ सचिन तामाने, संजय तांबारे,‎ सूवर्णमाला डिकले, संतोष ठोंबरे‎ आदींच्या स्वाक्षरी आहेत.‎