शिवजन्माेत्सव:सुसंस्कृत पिढीसाठी पालकांनी प्रयत्न‎ करण्याचे बालकीर्तनकाराचे आवाहन‎

युवा वर्गामध्ये व्यासनधीनता वाढल्यामुळे‎ एक तरुण पिढी पूर्णपणे वाया जाण्याच्या‎ मार्गावर आहे. अशावेळी पालकांनी‎ आपल्या मुलांवर विशेष लक्ष देऊन‎ त्यांना चांगले संस्कार द्यावे जेणेकरून‎ एक आदर्श व सुसंस्कृत पिढी तयार‎ होईल तसेच मुलांनी देखील‎ व्यसनापासुन दुर राहून आपल्या आई‎ वडिलांची चांगल्या प्रकारे सांभाळ करून‎ त्यांची सेवा करावी असे आळंदी येथील‎ बालकीर्तनकार ह. भ.प. माऊली‎ महाराज जाहुरकर यांनी नळदुर्ग येथे‎ शिव-बसव-राणा सार्वजनिक जन्मोत्सव‎ समितीने शिवजन्मोत्सवानिमित्त‎ आयोजित केलेल्या कीर्तन कार्यक्रमात‎ कीर्तन करतांना म्हटले.‎ नळदुर्ग येथे शिव-बसव-राणा‎ जन्मोत्सव समितीच्या वतीने १० ते १३‎ मार्च या कालावधीत छत्रपती शिवाजी‎ महाराज, महात्मा बसवेश्वर महाराज व‎ वीर महाराणाप्रताप या तीन महापुरुषांची‎ जयंती मोठ्या उत्साहात साजरी करण्यात‎ येत आहे. ११ मार्च रोजी आळंदी येथील‎ बालकीर्तनकार ह.भ. प.माऊली महाराज‎‎‎‎‎‎‎‎‎‎‎‎‎‎‎‎‎ जाहुरकर यांच्या कीर्तनाचा कार्यक्रम‎ आयोजित करण्यात आला होता.‎ कीर्तनापुर्वी लहान मुला-मुलींच्या‎ नृत्याचा कार्यक्रम घेण्यात आला.‎

त्यानंतर शिव--बसव--राणा सार्वजनिक‎ जन्मोत्सव समितीच्या वतीने शहरातील‎ नगरपालिका, शाळा व आरोग्य‎ विभागातील ९० स्वच्छता कर्मचाऱ्यांचा‎ प्रशस्तीपत्र देऊन त्यांचा गौरव‎ केला.यानंतर रात्री आठ वाजता‎‎‎‎‎‎‎‎‎‎‎‎‎‎‎‎‎ बालकीर्तनकार ह.भ. प.माऊली महाराज‎ जाहुरकर यांचे कीर्तन झाले.‎ प्रारंभी शिव-बसव-राणा सार्वजनिक‎ जन्मोत्सव समितीच्या वतीने समितीचे‎ अध्यक्ष विजयसिंह ठाकुर, उपाध्यक्ष‎ भिमाशंकर बताले, राकेश गायकवाड,‎ सचिव अक्षय भोई, सहसचिव सागर‎ कलशेट्टी, कोषाध्यक्ष राहुल दासकर,‎ सांस्कृतिक प्रमुख प्रमोद जाधव‎ यांच्यासह माजी नगरसेवक नितीन‎‎‎‎‎‎‎‎‎‎‎‎‎‎‎‎‎‎ कासार, अमृत पुदाले,संतोष‎ पुदाले,सरदारसिंग ठाकुर, विलास येडगे,‎ शिवसेनेचे उपजिल्हाप्रमुख ज्ञानेश्वर‎ घोडके यांनी बालकीर्तनकार माऊली‎ महाराज जाहुरकर यांचा भव्य सत्कार‎ केला यावेळी महाराजांना नळदुर्गच्या‎ ऐतिहासिक किल्ल्याची प्रतीमा भेट‎ दिली. जाहुरकर यांची जिल्हयात काही‎ प्रवचने झाली आहेत.
‎
नळदुर्गमध्ये तीन महापुरूषांच्या जयंतीनिमित्त विविध कार्यक्रम‎
अवघ्या ९ वर्षाच्या या बालकीर्तनकाराने‎ समाजाचे डोळे उघडणारे कीर्तन केले.‎ त्यांनी आपल्या कीर्तनातून समाजाला‎ दिशा देण्याचा प्रयत्न केला‎ आहे.आजच्या युवकांनी व्यसनापासून‎ दूर राहावे असे आवाहन करण्याबरोबरच‎ बालकीर्तनकार माऊली महाराजानी‎ सासू आणि सुनेचे नाते कसे असावे‎ याबद्दलही मार्गदर्शन केले. त्याचबरोबर‎ भावी पिढी सुसंकृत निर्माण व्हावी‎ यासाठी आता महिलांनी प्रयत्न‎ करण्याची गरज असल्याचेही माऊली‎ महाराज यांनी म्हटले आहे.‎